مەدەۋدە كەزدەسەيىك!

«مەدەۋ» بيىك تاۋلى مۇز ايدىنىندا جاڭا ماۋسىمنىڭ اشىلۋى 15 قاراشادا وتەدى

الماتى قالاسىنىڭ تۇرعىندارى مەن قوناقتارى ءۇشىن مەدەۋ بيىك تاۋلى مۇز ايدىنىندا جاپپاي سىرعاناۋ 15 قاراشادا ساعات 10:00-دەن باستاپ قولجەتىمدى، ال ماۋسىمنىڭ سالتاناتتى اشىلۋ ءراسىمى ساعات 13:30-دا وتەدى، دەپ حابارلايدى almaty-akshamy.kz

مۇز ايدىنىنىڭ اشىلۋ باعدارلاماسىندا كونكي تەبۋشىلەردىڭ مۇزداعى پەرفومانستارى، جۇلدەلەر ۇتىس ويىنى، فلەشموب، ارتىستەردىڭ قويىلىمدارى، سونداي-اق كەشەننىڭ ەڭ بەلسەندى قوناقتارىنا ارنالعان سىيلىقتار بار. 

قازىرگى ۋاقىتتا نىساندا دايىندىق جۇمىستارى اياقتالدى، مۇز جاساۋ پروسەسى بەلسەندى جۇرگىزىلۋدە. 

مەدەۋ - الماتى قالاسىنىڭ ماڭىنا ورنالاسقان، تەڭىز دەڭگەيىنەن 1691 مەتر بيىكتىكتە ءارى ەلىمىزدىڭ ەڭ باستى مۇز ايدىنى بولىپ تابىلادى. 

سەانستاردىڭ كەستەسىمەن جانە ولاردىڭ باعاسىمەن «مەدەۋ» مۇز ايدىنىنىڭ https://medeu.kz/.رەسمي سايتىندا تانىسۋعا بولادى. بيلەتتەردى «مەدەۋ» مۇز ايدىنىنىڭ سايتىندا، كەشەننىڭ كاسساسىندا، سونداي-اق kaspi.kz جانە Halyk Bank ءموبيلدى قوسىمشالاردان ونلاين ساتىپ الۋعا بولادى.