دەنساۋلىق ساقتاۋ مينيسترلىگى قازاقستاندا ءتورت مىڭعا جۋىق دارىگەر جەتىسپەيتىنىن ايتتى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
قازاقستاندىقتار جالپى تاجىريبەلىك دارىگەر قابىلداۋىنا جازىلا المايتىندارىن ايتىپ شاعىمدانۋلارىن جالعاستىرىپ جاتىر. ايتۋلارىنشا، توتەنشە جاعداي كەزىندە جەكە ماماندارعا، مىسالى، تراۆماتولوگ، پسيحولوگ، وفتالمولوگ سەكىلدى ماماندارعا عانا جازىلۋعا بولادى.
ماجىلىسمەندەر بۇل ماسەلە سالانى جەتكىلىكسىز دەڭگەيدە قارجىلاندىرۋدان بولىپ جاتىر دەپ سانايدى.
«ەگەر قارجىلاندىرۋ جەتكىلىكتى بولسا، كەزەك بولماۋى مۇمكىن. دارىگەر ەمحانادا وتىرىپ جۇمىسىن جالعاسىتارادى. ەگەر قانداي دا ءبىر ايلىق ليميت تاۋسىلعان بولسا، وندا ول 20 ساۋىردەن كەيىن بولعان سياقتى (اركىمنىڭ ايلىق ءليميتى تاۋسىلعان)، بۇكىل ەل بويىنشا تەگىن كونسۋلتاسيالىق-دياگنوستيكالىق قىزمەتتەر كورسەتىلمەگەن. دارىگەرلەر بار، جابدىقتار تۇر، ءبىراق قارجىلاندىرۋ جوق»، - دەدى ءماجىلىس دەپۋتاتى گۇلدارا نۇرىموۆا.
قور حالىقتىڭ مەديسينالىق قىزمەتكە دەگەن سۇرانىسى شىنىمەن دە وسكەنىن ايتادى.
«حالىقتىڭ ءوتىنىشى جوعارى. بۇل حالىقتىڭ دەنساۋلىق جاعدايىنا جانە حالىقتىڭ مەديسينالىق كومەككە قانشالىقتى ءجيى جۇگىنەتىنىن كورسەتتى. ارينە، جىل باسىندا مەديسينالىق كومەككە جۇگىنۋ كوپ بولدى، ءبىراق بۇل، ايتالىق، قارجىلاندىرۋ ماسەلەلەرىنە ەشقانداي قاتىسى جوق»، - دەپ اتاپ ءوتتى مەديسينالىق ساقتاندىرۋ قورى دەپارتامەنتىنىڭ ديرەكتورى زابيرا ورازالييەۆا.
دەنساۋلىق ساقتاۋ مينيسترلىگى باستى ماسەلەلەردىڭ ءبىرى مامانداردىڭ جەتىسپەۋشىلىگى ەكەنىن اتاپ وتەدى. نارىقتا ءتورت مىڭعا جۋىق مەديسينالىق جۇمىس ورنى بار. وڭىرلەردە اكۋشەر-گينەكولوگ، نەوناتولوگ، پەدياترلار جەتكىلىكسىز. پاندەميا كەزىندە جۇقپالى اۋرۋلار بويىنشا ماماندار جەتىسپەيتىنى انىقتالعان.