1 شىلدەدەن باستاپ احات بولىمدەرىنىڭ فۋنكسيالارى "ازاماتتارعا ارنالعان ۇكىمەت " مەملەكەتتىك كورپوراسياسى" كەاق-عا بەرىلەدى. جاڭاشىلدىق احات بولىمدەرىن جابۋدى كوزدەمەيدى، ولار ءتيىستى قۇزىرەتىمەن حقكو-لاردا ورنالاساتىن بولادى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى ادىلەت دەپارتامەنتىنىڭ وكىلدەرى ايتتى، دەپ حابارلايدى اmaty-akshamy.kz.
حقكو-لاردا ازاماتتىق حال اكتىلەرىن تىركەۋگە بايلانىستى مەملەكەتتىك قىزمەتتەردىڭ بارلىق تۇرلەرى كورسەتىلەتىن بولادى.
"وسىلايشا، ازاماتتاردىڭ بارلىق مەملەكەتتىك قىزمەتتەردى ءبىر جەردەن "ءبىر تەرەزە" قاعيداتى بويىنشا الۋ ماقساتىندا بارلىق حالىققا قىزمەت كورسەتۋ ورتالىقتارى ءبىرىڭعاي جۇيەگە بىرىكتىرىلگەن"، - دەدى الماتى قالاسى ادىلەت دەپارتامەنتىنىڭ تىركەۋ قىزمەتى سالاسىنداعى باقىلاۋ ءبولىمى باسشىسىنىڭ م.ا. جانار بەيسەنوۆا.
كورسەتىلەتىن مەملەكەتتىك قىزمەتتەرگە مىنا فۋنكسيالار جاتادى:
- تۋۋدى، نەكە قيۋ جانە بۇزۋدى، ءولىمدى مەملەكەتتىك تىركەۋ؛
- اكت جازبالارىنا وزگەرىستەر، تولىقتىرۋلار، تۇزەتۋلەر ەنگىزۋ، ونىڭ ىشىندە اتىن، اكەسىنىڭ اتىن، تەگىن وزگەرتۋ، اكەلىكتى (اناسى ەكەنىن) انىقتاۋ، بالا اسىراپ الۋ؛
- ازاماتتىق حال اكتىلەرىنىڭ جازبالارىن قالپىنا كەلتىرۋ جانە جويۋ؛
- باستاپقى جانە قايتالاما كۋالىكتەردى، انىقتامالاردى ەلەكتروندىق نۇسقادا نەمەسە قاعاز تۇرىندە بەرۋ.
سونىمەن قاتار، اتاپ وتىلگەندەي، ازاماتتىق حال اكتىلەرىن مەملەكەتتىك تىركەۋ قىزمەتتەرىنە اقى تولەۋ بويىنشا وزگەرىستەر ەنگىزىلدى. ازاماتتىق حال اكتىلەرىن تىركەگەنى ءۇشىن تولەماقى مولشەرىن مەملەكەتتىك قىزمەتتەر كورسەتۋ سالاسىنداعى ۋاكىلەتتى ورگان ايقىندايتىن بولادى.
سونداي-اق، ازاماتتاردىڭ كەيبىر ساناتتارى ازاماتتىق حال اكتىلەرىن تىركەۋ قىزمەتتەرى ءۇشىن تولەماقىدان بوساتىلدى.
سونىمەن قاتار، دەپارتامەنت جەكە ءومىر، جەكە جانە وتباسىلىق قۇپيا زاڭمەن قورعالاتىنىن اتاپ ءوتتى. سونداي-اق ازاماتتاردىڭ جەكە جانە وتباسىلىق ءومىرى تۋرالى مالىمەتتەردى جاريا ەتكەنى ءۇشىن جاۋاپكەرشىلىك بار ەكەنىن ەسكە سالدى.
"تىركەۋشى ورگانداردىڭ قىزمەتكەرلەرى اسىراپ الۋشىنىڭ كەلىسىمىنسىز اسىراپ الۋ تۋرالى قانداي دا ءبىر مالىمەتتەردى حابارلاۋعا جانە اسىراپ الۋشىلاردىڭ اسىراپ الىنعان بالانىڭ اتا-اناسى بولىپ تابىلمايتىندىعى تۋرالى اقپاراتتى قامتيتىن قۇجاتتاردى بەرۋگە قۇقى جوق. بۇل وتە سەزىمتال ماسەلە قاتاڭ باقىلاۋدا"، - دەپ قورىتىندىلادى الماتى قالاسى ادىلەت دەپارتامەنتىنىڭ تىركەۋ قىزمەتى سالاسىنداعى باقىلاۋ ءبولىمىنىڭ جەتەكشى مامانى سارا مۋرزييەۆا.