كەشە وتكەن ماچتا اۋىر جاراقات العان «قايرات» ويىنشىسى رەانيماسيادا جاتىر

«قايرات» فۋتبول كومانداسىنىڭ ويىنشىسى ارسەن بۋرانچييەۆكە وتا جاسالدى.

كەشە ورتالىق ستاديوندا وتكەن جەرگىلىكتى «قايرات» جانە «اقتوبە» كوماندالارى اراسىنداعى فۋتبول ماچىندا ارسەن بۋرانچييەۆ دوپقا تالاسقان ساتتە اۋىر جاراقات الىپ، شۇعىل تۇردە اۋرۋحاناعا جەتكىزىلگەن بولاتىن، دپ حابارلايدى Almaty-akshamy.kz.

قازىرگى ۋاقىتتا ارسەن رەانيماسيادا جاتىر. ونىڭ جاعدايى وتە اۋىر. فۋتبولشىعا دارىگەرلەر مۇقيات قاراپ جاتىر.

«قايرات» فك مەن قازاقستان فۋتبول فەدەراسياسىنىڭ باسشىلارى اۋرۋحانادا جانە ولار قاجەتتى كومەگىن كورسەتىپ جاتىر.

«ب ا ق وكىلدەرىنەن كلۋبتىڭ باسپا ءسوز قىزمەتىنە جۇگىنۋىن جانە تەكسەرىلمەگەن اقپاراتتى تاراتپاۋىن سۇرايمىز. ءبىز ارسەن ءۇشىن الاڭداپ، وعان تەزىرەك ساۋىعىپ كەتۋىنە تىلەكتەسپىز» دەپ حابارلادى كلۋبتىڭ باسپا ءسوز قىزمەتى.

ارسەن مۇقاشبەك ۇلى - قازاقستاندىق فۋتبولشى، «قايرات» كلۋبىنىڭ جانە قازاقستان جاستار قۇراماسىنىڭ جارتىلاي قورعاۋشىسى.

2001 جىلى 9 قىركۇيەكتە قىرعىزستان استاناسىندا دۇنيەگە كەلگەن.

فۋتبولداعى جولىن 2018 جىلى ەكىنشى ليگاداعى «قايرات م» كلۋبىنىڭ قۇرامىندا باستاعان.

2021 جىلدىڭ 24 ناۋرىزىندا قازاقستان جاستار قۇراماسى ساپىندا ماكەدونيا جاستار قۇراماسىنا قارسى ويىندا (2:1) دەبيۋت جاسادى.