«قايىرىمدى ىستەر مارافونى» قازاقستان تاۋەلسىزدىگىنىڭ 30 جىلدىعىنا ارنالعان.
قازاقستاندا 9 قازان كۇنى «قايىرىمدى ىستەر مارافونى» جالپىۇلتتىق جوباسى اياسىندا ۇيىمداستىرىلعان قايىرىمدىلىق كۇنى مەرەكەسى وتكىزىلۋدە، دەپ حابارلايدى Almaty-akshamy.kz قازاقپارات-قا سىلتەمە جاساپ.
مەرەكە تۇجىرىمداماسىنا ساي ەلىمىزدىڭ ءار وڭىرىندە وففلاين نەمەسە ونلاين فورماتتا «ىزگىلىك كەڭەستەرى» بار ستەند ورنالاستىرىلعان، كەز كەلگەن ادام ونداعى كارتوچكانى الىپ، كورسەتىلگەن قايىرىمدى ءىستى جاساپ، ول جونىندە الەۋمەتتىك جەلىلەردە مارافوننىڭ رەسمي پاراقشاسىن بەلگىلەپ جانە تەگتەي وتىرىپ بولىسە الادى. اكسيانى الماتى، اتىراۋ، قوستاناي، پاۆلودار جانە اقتوبە وبلىستارىندا وففلاين رەجيمدە قولدادى. تالدىقورعان قالاسىنداعى «اتامەكەن» سۇ-دە «قايىرىمدىلىق جۇرەگى» ينستاللياسياسىن ورناتتى. بۇگىندە ينستاللياسيادان 120-دان استام «ىزگىلىك كەڭەستەرى» ورىندالدى، ال جاڭا كارتوچكالار قاجەتتىلىككە بايلانىستى پايدا بولادى. وبلىس اكىمدىگى وكىلدەرىنىڭ ايتۋىنشا، الداعى ۋاقىتتا «قايىرىمدىلىق جۇرەگىن» ادامدار كوپ شوعىرلاناتىن ءتۇرلى جەرلەرگە كوشىرۋ جوسپارلانىپ وتىر.
اقتوبەدە «ىزگىلىك كەڭەستەرى» ستەندىن ورناتۋدان بولەك، «جاس ساقشى» ەرىكتىلەر توبى ۇلتتىق قايىرىمدىلىق كۇنىن مەرەكەلەۋگە وراي وبلىستىق جاستار رەسۋرستىق ورتالىعىنىڭ قولداۋىمەن ستۋدەنتتەر اراسىندا ۆولەيبول ءتۋرنيرىن وتكىزۋگە باستاماشىلىق ەتتى. ءىس-شارا شەڭبەرىندە قايىرىمدىلىقتان تۇسكەن بارلىق قاراجات مۇمكىندىگى شەكتەۋلى ادامدارعا ارنالعان «الاش» قوعامدىق ۇيىمىنىڭ ءتوراعاسى الىبەك نۇرباي ۇلىنىڭ ەمدەلۋىنە بەرىلەدى. ال پاۆلودار قالاسىندا 9 قازان كۇنى «Batyr Mall» سۇ-دە ۇلتتىق قايىرىمدىلىق كۇنىنە وراي اكسيا وتكىزىلەدى. بۇل كۇنى قالا تۇرعىندارىن جاقسىلىق جاساپ اكسيانى قولداۋعا شاقىرادى: قان تاپسىرۋ، پاناسىز جانۋارلاردى تاماقتاندىرۋ، قوعامدىق كولىكتە ورىن بەرۋ جانە ت.ب. ۇلتتىق قايىرىمدىلىق كۇنىن مەرەكەلەۋگە قاتىسقىسى كەلەتىن قوستانايلىقتار «جاستار سارايىنا» بارا الادى: وندا ىزگىلىك كەڭەستەرى بار ينستاللياسيا ورناتىلعان، كەز كەلگەن ادام ونداعى كارتوچكانى الىپ، كورسەتىلگەن قايىرىمدى ءىستى جاساپ، ول جونىندە الەۋمەتتىك جەلىلەردە مارافوننىڭ رەسمي پاراقشاسىن بەلگىلەپ جانە تەگتەي وتىرىپ بولىسە الادى. اكسيانى قازاقستاننىڭ بارلىق وڭىرىندە ونلاين-فورماتتا قولدادى: جەلى قولدانۋشىلارى @qaiyrymdy_ister_marafony رەسمي اككاۋنتىنان تابۋعا بولاتىن «ىزگىلىك كەڭەستەرى» بار AR-ماسكاسىن بەلسەندى پايدالانادى.
ەسكە سالا كەتەيىك، «قايىرىمدى ىستەر مارافونى» جالپىۇلتتىق جوباسى وسى جىلدىڭ اقپان ايىندا مەملەكەت باسشىسى قاسىم-جومارت توقايەۆتىڭ باستاماسىمەن قازاقستان تاۋەلسىزدىگىنىڭ 30 جىلدىعىن مەرەكەلەۋ شەڭبەرىندە باستالعان بولاتىن. جوبا ازاماتتىق باستامالاردى قولداۋ ورتالىعى مەن ق ر اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلۋدا.