ەكى ەلدىڭ تجم دەلەگاتتارى قاتىستى.
الماتى قالاسىندا قازاقستان-قىرعىزستان توتەنشە جاعدايلار مينيسترلىكتەرىنىڭ بىرلەسكەن بەسىنشى القا وتىرىسى ءوتتى، دەپ حابارلادى Almaty-akshamy.kz ق ر تجم باسپا ءسوز قىزمەتىنە سىلتەمە جاساپ.
القا جۇمىسىنا قازاقستان رەسپۋبليكاسىنىڭ توتەنشە جاعدايلار ءمينيسترى يۋريي يلين جانە قىرعىز رەسپۋبليكاسىنىڭ توتەنشە جاعدايلار ءمينيسترى بووبەك اجيكەيەۆ باستاعان ەكى ەلدىڭ تجم دەلەگاتتارى قاتىستى.
ءىس-شارانىڭ ماقساتى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ بويىنشا ءتورتىنشى بىرلەسكەن القا وتىرىسىنىڭ شەشىمدەرى مەن نورماتيۆتىك قۇقىقتىق اكتىلەرىن ىسكە اسىرۋدا ەكى جاقتى ىنتىماقتاستىقتى ۇيلەستىرۋ.
وتىرىس بارىسىندا ۆەدومستۆو وكىلدەرى بىشكەك قالاسىندا ورنالاسقان ورتا ازيالىق جەر قولدانبالى زەرتتەۋ ينستيتۋتىنىڭ تاجىريبەسىندە جەر سىلكىنىسى مونيتورينگى جۇيەسىن پايدالانۋ سىندى ءبىرقاتار ماڭىزدى ماسەلەلەر تالقىلاندى.
ترانسشەكارالىق وزەندەردە توتەنشە جاعدايلار مەن قاۋىپ-قاتەرلەردىڭ تۋىنداۋى، سۋ شىعىندارى تۋرالى اقپاراتتاندىرۋ، ترانسشەكارالىق اۋماقتا تابيعي ورتتەردى ءسوندىرۋ بويىنشا تاجىريبە الماسۋ، سونىمەن قاتار قيىن اۋماقتاردان وتەتىن تۋريستەردىڭ قاۋىپسىزدىگىن قامتاماسىز ەتۋدىڭ وزەكتى ماسەلەلەرى كەزەكتى رەت كوتەرىلدى، - دەلىنگەن اقپاراتتا.
سونداي-اق، تاراپتاردىڭ 2015-2030 جىلدارعا ارنالعان اپاتتار ءقاۋپىن ازايتۋ جونىندەگى سەنداي نەگىزدەمەلىك باعدارلاماسىن ىسكە اسىرۋ بويىنشا جۇرگىزىلىپ جاتقان جۇمىستار تۋرالى باياندامپ تىڭدالدى.
وتىرىس قورىتىندىسى بويىنشا قازاقستان مەن قىرعىزستاننىڭ توتەنشە جاعدايلار مينيسترلەرى كەلەسىدەي كەلىسىمدەرگە كەلدى:
- تەحنوگەندىك جانە تابيعي سيپاتتاعى توتەنشە جاعدايلار كەزىندە حالىقتى حاباردار ەتۋ جانە حاباردار ەتۋ جۇيەسىن دامىتۋ بويىنشا تاجىريبە الماسۋ؛
-سۋ ايدىندارىندا ىزدەستىرۋ-قۇتقارۋ جۇمىستارىن پىسىقتاۋ بويىنشا بىرلەسكەن ترانسشەكارالىق وقۋ-جاتتىعۋلار مەن تج دەن قويۋ بويىنشا جاتتىعۋلار جانە سۇڭگۋىرلىك جيىندار وتكىزۋ تاجىريبەسىن جالعاستىرۋ.
القانى قورىتىندىلاي كەلە، قاتىسۋشىلار قازاقستان مەن قىرعىزستان تجم بىرلەسكەن القا وتىرىستارى ءتيىمدى ءوزارا ءىس-قيمىلدى دامىتۋعا، ۆەدومستۆولار اراسىندا تاجىريبە الماسۋعا جانە ترانسشەكارالىق سيپاتتاعى توتەنشە جاعدايلارعا بىرلەسىپ جەدەل دەن قويۋعا ىقپال ەتەدى دەگەن ورتاق پىكىرگە كەلدى.