قازاقستاندا يت توبەلەستىرۋگە تىيىم سالىنادى.
قازاقستاندا يتتەردىڭ جەكپە-جەگىنە رەسمي تۇردە تىيىم سالىنادى. بۇل تۋرالى ەكولوگيا، گەولوگيا جانە تابيعي رەسۋرستار ۆيسە-مينيسترى ءاليا شالابەكوۆا ايتتى، دەپ حابارلايدى Almaty-akshamy.kz «ادىرنا» پورتالىنا سىلتەمە جاساپ.
ماجىلىستە «جانۋارلارعا جاۋاپكەرشىلىكپەن قاراۋ تۋرالى» زاڭ جوباسىنىڭ تۇساۋكەسەرىندە دەپۋتات سىرىم ادامبايەۆ ەلىمىزدە يتتەردىڭ جەكپە -جەگىنە قاتىستى ماسەلە كوتەردى.
«مەن ولاردى جانۋارلارعا ەش اياۋسىز قارسى جانە قاتىگەز دەپ سانايمىن. زاڭ جوباسىندا بۇل ماسەلەنى زاڭنامالىق رەتتەۋ قاراستىرىلعان با؟» دەپ سۇرادى.
شالابەكوۆا ناقتىلانعان زاڭ جوباسىندا يتتەردىڭ جەكپە -جەگىنە تولىق تىيىم سالىنعانىن ءتۇسىندىردى.
«يتتەر توبەلەسى - بۇل وتە قاتال كورىنىس، ونى توقتاتۋ كەرەك. زاڭ جوباسىندا ءبىز يتتەردىڭ جەكپە-جەگىنە تولىق تىيىم سالىنعانىن قاراستىردىق. ءبىراق اڭشىلىقتا قولدانىلاتىن تروفەيلىك يتتەرگە كەلەتىن بولساق، بۇل ايماق جانۋارلار الەمىن قورعاۋ جانە ءوسىمىن مولايتۋ جانە پايدالانۋ تۋرالى زاڭمەن رەتتەلەتىن بولادى، وندا اڭشىلىق يتتەر ءوزىنىڭ جاۋىنگەرلىك قاسيەتتەرىن جوعالتپاۋى ءۇشىن اڭشىلىققا ارنايى اۋماقتار پايدالانىلادى. ول رەتتەلەدى»، - دەپ ءتۇسىندىردى ول.
ول سونداي -اق جانۋارلار قۇقىعىن قورعاۋشىلارمەن بايلانىس حايۋاناتتار باعىنىڭ جانە دەلفيندەرى بار سيركتىڭ جابىلۋىن تالاپ ەتكەندەرگە جاۋاپ بەردى.
«قازىرگى ۋاقىتتا ءبىزدىڭ ەلدە 3 مەملەكەتتىك حايۋاناتتار باعى، 4 مەملەكەتتىك سيرك جانە 10 بايلانىس حايۋاناتتار باقتارى تىركەلگەن. بۇل مادەني جانە ويىن-ساۋىق ماقساتىندا قولدانىلاتىن جانۋارلار ەكەنىن ەسكەرە وتىرىپ، ولاردىڭ قالىپتى ءومىر ءسۇرۋى ءۇشىن سانيتارلىق-گيگيەنالىق جانە ۆەتەرينارلىق جاعدايلاردى قامتاماسىز ەتە وتىرىپ، ولاردى وسىنداي جەرلەردە ۇستاۋ ءتارتىبى ازىرلەنەتىن بولادى»، - دەپ ءتۇسىندىردى شالابايەۆا.
ايتا كەتۋ كەرەك، ۆيسە -مينيستر بايلانىس حايۋاناتتار باعىنىڭ جابىلمايتىنىنا سەندىردى، ءبىراق سونىمەن بىرگە ول كەلۋشىلەرگە جانۋارلارعا قول تيگىزۋگە بولمايتىنىن ءتۇسىندىردى. ونىڭ ايتۋىنشا، بۇل قىزمەت زاڭدار مەن نورماتيۆتىك قۇقىقتىق اكتىلەردىڭ جوبالارىندا ناقتى سيپاتتالادى.