پسيحولوگيالىق پروبلەماسى بار قازاقستاندىقتاردىڭ 5% عانا كاسىبي ماماننىڭ كومەگىنە جۇگىنە الادى.
بۇل تۋرالى بۇگىن «پاندەميا ساباقتارى» كونفەرەنسياسىنىڭ قاتىسۋشىلارى حابارلادى. وسى ورايدا ەلىمىزدە پسيحيكالىق دەنساۋلىق جونىندەگى ءبىرىڭعاي اقپارات ورتالىعى اشىلماق، دەپ حابارلايدى Almaty-akshamy.kz 24.kz-كە سىلتەمە جاساپ.
مۇندا دەپرەسسيا سىندى دەرتتەرگە ۇشىراعان ازاماتتار حابارلاسىپ، پسيحولوگتاردان ونلاين فورماتتا كونسۋلتاسيا الا الادى. كونفەرەنسياعا جينالعان مامانداردىڭ ايتۋىنشا، كوۆيد-19 پاندەمياسى ادام دەنساۋلىعىنا جانە ونىڭ پسيحولوگيالىق كۇيىنە كەرى اسەرىن تيگىزدى. اسىرەسە، كارانتين كەزىندە وقشاۋلانعان بالالار ايتارلىقتاي زارداپ شەككەن. وسى ورايدا بۇكىل الەم ساراپشىلارى جاسوسپىرىمدەردىڭ ساۋىعىپ كەتۋ ماسەلەلەرىنە كوڭىل ءبولىپ جاتىر.
«كوۆيد-19 پاندەمياسى بۇكىل الەم ازاماتتارىنا كەرى اسەرىن تيگىزدى. كۇيزەلىسكە ۇشىراعاندار سانى 25%-عا ارتتى. بالالار اراسىندا دا بۇل كورسەتكىش 20%-عا جەتىپ قالدى. وكىنىشكە قاراي، ولاردىڭ اراسىندا قازاقستاندىقتار دا بار. سول سەبەپتى ءقازىر جاسوسپىرىمدەرگە تەز ارادا جاردەم بەرۋ قاجەت. ولارعا پسيحولوگ ماماندارعا جۇگىنۋگە مۇمكىندىك بەرگەن ءجون. وسى ورايدا ءبىرىڭعاي اقپارات ورتالىعى اشىلاتىن بولدى. قالاعاندار دارىگەرلەرمەن تىكەلەي بايلانىسقا شىعا الادى»، - دەيدى قازاقستانداعى ددسۇ ەلدىك كەڭسەسىنىڭ پسيحيكالىق دەنساۋلىق جونىندەگى كەڭەسشىسى نيكولاي نەگاي.