2022 جىل 14 جەلتوقسان شىعارماشىل جاستار اراسىندا JAS GALA ءىس-شارالار كەشەنىن جۇزەگە اسىرۋ اياسىندا جاس ديزاينەرلەر بايقاۋى وتەدى.
قازاق لوگيستيكا جانە كولىك اكادەمياسىنىڭ بازاسىندا وتەتىن شاراعا تانىمال وتاندىق ماركەتولوگتار مەن ديزاينەرلەر قاتىسادى، دەپ حابارلايدى Almaty-akshamy.kz.
كاسىپكەر، ماركەتولوگ، برەند-مامان، Kex Group، پوتوك، TOP fat، Medovic، ROYAL flowers وتاندىق برەندتەرىنىڭ اۆتورى كايمولدانوۆا لەيلا شەبەرلىك ساعاتىن جۇرگىزەدى. سونداي-اق، ماركەتولوگ، ديزاينەر اباي ومار فورسايت، حالىقارالىق ءبىلىم بەرۋ كورپوراسياسىنىڭ ماركەتينگ دەپارتامەنتىنىڭ ديرەكتورى اسقار ازامات ۇلى ميتاپ وتكىزەدى، ت.ب. تاجىريبەلى سپيكەرلەر ءسوز سويلەپ، ارتىستەر ونەر كورسەتەدى.
بايقاۋ جەڭىمپازدارىنا 1 000 000 تەڭگە كولەمىندە باعالى سىيلىقتار بەرىلەدى.
جاس ديزاينەرلەر بايقاۋى الماتى قالاسى جاستار ساياساتى ماسەلەلەرى باسقارماسىنىڭ الەۋمەتتىك تاپسىرىسى بويىنشا «JAS GALA» جوباسى اياسىندا وتكىزىلۋدە.
بايقاۋ 14 جەلتوقسان كۇنى ساعات 13.00-دە شيەۆچەنكو كوشەسى، 97، لوگيستيكا جانە كولىك اكادەمياسىنىڭ اكت زالىندا وتەدى