قازاقستاندا جاراتىلىستانۋ-ماتەماتيكالىق باعىتتاعى پاندەر بويىنشا ءحىV پرەزيدەنتتىك وليمپيادانىڭ رەسپۋبليكالىق كەزەڭى باستالدى
بيىل مينيسترلىك پەن وتاندىق جوعارى وقۋ ورىندارى اراسىندا قول جەتكىزىلگەن ۋاعدالاستىقتىڭ ناتيجەسىندە جەڭىمپازدار جوعارى وقۋ ورىندارىندا وقۋعا ارنالعان ءبىلىم بەرۋ گرانتتارىن جەڭىپ الا الادى. ق ر بعم باسپا ءسوز قىزمەتىنىڭ مالىمەتىنشە، قورىتىندى كەزەڭ ە.ا. بوكەتوۆ اتىنداعى قاراعاندى ۋنيۆەرسيتەتى بازاسىندا ءوتىپ جاتىر. وليمپيادا 15 قاراشا باستالىپ، 18 قاراشاعا دەيىن جالعاسادى، دەپ حابارلايدى Almaty-akshamy.kz
زياتكەرلىك بايقاۋدا ەلىمىزدىڭ بارلىق وڭىرىنەن 182 وقۋشى ب ا ق سىنايدى. ايتا كەتەيىك، پرەزيدەنتتىك وليمپياداعا 11 (12) سىنىپ وقۋشىلارى قاتىسادى. ولارعا ءتورت ءپان بويىنشا – ماتەماتيكا، فيزيكا، حيميا جانە بيولوگيادان تاپسىرمالار بەرىلەدى.
«ءبىز وقۋشىلارىمىزدى ىنتالاندىرۋ جانە بولاشاقتا ولار ءوز بىلىمدەرىن حالىقارالىق وليمپيادالاردا كورسەتە الۋىنا بارىنشا جاعداي جاساۋ ءۇشىن ءارتۇرلى دەڭگەيدەگى (اۋداندىق، قالالىق، وبلىستىق، رەسپۋبليكالىق) وليمپيادالاردى دايىنداپ، وتكىزەمىز. پرەزيدەنتتىك وليمپيادا ءۇش كەزەڭدە وتەدى. اتاپ ايتساق، ايماقتىق، ىرىكتەۋ جانە رەسپۋبليكالىق كەزەڭ. پرەزيدەنتتىك وليمپيادانىڭ ءبىرىنشى (وڭىرلىك) كەزەڭى قىركۇيەك ايىندا ءوتتى، وعان رەسپۋبليكانىڭ بارلىق وڭىرىنەن 3 مىڭنان استام وقۋشى قاتىستى. ەكىنشى كەزەڭگە 396 وقۋشى ءوتتى. ىرىكتەۋ كەزەڭى 22 قازاندا ءبىر مەزگىلدە بارلىق وبلىس ورتالىعىندا جانە رەسپۋبليكالىق ماڭىزى بار قالالاردا ۇيىمداستىرىلدى. وسىلايشا، قورىتىندى رەسپۋبليكالىق كەزەڭگە 182 وقۋشى ىرىكتەلدى. پرەزيدەنتتىك وليمپيادانىڭ جەڭىمپازدارى مەن جۇلدەگەرلەرى ق ر ءبعم-نىڭ ءى، ءىى جانە ءىىى دارەجەلى ديپلومدارىمەن جانە مەدالدارمەن ماراپاتتالادى. سونداي-اق ءبىز وليمپيادا جەڭىمپازدارى ءۇشىن ءبىلىم گرانتتارىن بولۋگە دايىن ەكەندىكتەرىن بىلدىرگەن بىرنەشە جوعارى وقۋ ورنىمەن كەلىسىمگە قول جەتكىزدىك»، – دەپ اتاپ ءوتتى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ.
پرەزيدەنتتىك وليمپياداعا قاتىسۋشىلاردىڭ جۇمىسىن حالىقارالىق وليمپيادالاردىڭ جەڭىمپازدارى جانە جۇلدەگەرلەرى، قازاقستاننىڭ جەتەكشى جوعارى وقۋ ورىندارىنىڭ PhD دوكتورلارى باعالايتىن بولادى. بارىنشا اشىقتىقتى قامتاماسىز ەتۋ ءۇشىن كونكۋرس ونلاين تۇردە كورسەتىلەدى. بەينەترانسلياسياعا سىلتەمەلەر http://daryn.kz «دارىن» رعپو اككاۋنتتارىندا ۇسىنىلادى. ەستەرىڭىزگە سالا كەتەيىك، جاراتىلىستانۋ-ماتەماتيكالىق باعىتتاعى پاندەر بويىنشا پرەزيدەنتتىك وليمپيادا 2008 جىلدان بەرى وتكىزىلىپ كەلەدى. «دارىن» ورتالىعى جىل سايىن وتكىزەتىن زياتكەرلىك بايقاۋ ەلىمىز بويىنشا دارىندى وقۋشىلاردى انىقتاۋعا جانە ولاردىڭ الەۋەتىن ىسكە اسىرۋ بارىسىندا قولداۋ كورسەتۋگە كومەكتەسەدى.