بۇل وزگەرىس قايتا ورشىگەن كوروناۆيرۋستى شەكتەۋ ءۇشىن ەنگىزىلەدى
اۆستريادا تولىق ۆاكسينالانباعان ميلليونداعان ادام بۇگىننەن باستاپ كارانتينگە الىنادى، دەپ حابارلايدى Almaty-akshamy.kz
كانسلەر شاللەنبەرگتىڭ مالىمدەۋىنشە، ەلدە كوۆيد جۇقتىرۋ وقيعالارى ازايىپ كەلە جاتقانىمەن، مۇنداي ناۋقاستار ەكپە سالدىرماعاندار اراسىندا كوبەيىپ وتىر.
اۆستريادا حالىقتىڭ 65 پايىزى تولىق يممۋندالعان. الايدا بۇل – باتىس ەۋروپاداعى ەڭ تومەنگى كورسەتكىشتەردىڭ ءبىرى. جەرگىلىكتى تۇرعىنداردىڭ ءبىر بولىگى پارلامەنتتەگى ءۇشىنشى ءىرى پارتيانىڭ سوزىنە سەنىپ، ۆاكسيناعا كۇمانمەن قارايدى.
جاڭا لوكداۋنعا سايكەس، ۆاكسينالانباعان ازاماتتار ۇيلەرىنەن جۇمىسقا جانە دۇكەنگە بارۋ ءۇشىن عانا شىعا الادى. دەگەنمەن بۇل ەرەجە 12 جاسقا دەيىنگى بالالارعا قولدانىلمايدى.