بەلگىلى جازۋشى دۋلات يسابەكوۆ سايلاۋدا حالىق دۇرىس جولدى تاڭداپ، ەل جاڭا داۋىرگە قادام باسقانىن اتاپ ءوتتى.
ونىڭ ايتۋىنشا، ناۋقان ناتيجەسى قوعامنىڭ ءادىل قازاقستاندى قۇرۋعا ىنتالى ەكەنىن كورسەتتى. جاڭا پرەزيدەنت ەندى ناقتى وزگەرىستەرگە بارىپ، جاڭا يدەيالاردى جۇزەگە اسىراتىن جاڭا كادرلاردى جاساقتايتىنىنا سەنەدى، دەپ حابارلايدى Almaty-akshamy.kz.
«بۇل جولعى سايلاۋعا كوپ ادام قاتىستى. ۇيدەگىلەر، كامەلەتكە تولعاندار تولىق داۋىس بەردى. سايلاۋ دۇرىس ءارى ءادىل ءوتتى. جاڭا 7 جىلدىق ءداۋىر – قازاقستان ءۇشىن وتە كۇردەلى كەزەڭ. پرەزيدەنت ءۇشىن دە ەڭ جاۋاپتى مەرزىم بولايىن دەپ تۇر. بۇل ادام وزىنە تولىق بيلىك تيگەننەن كەيىن راديكالدى وزگەرىستەرگە بارادى دەپ وتىرمىن. اسىرەسە، كادر ماسەلەسى. بۇرىنعى كادرلاردان قۇتىلىپ، جاڭاشا ويلايتىن، جاڭا قازاقستان دەگەن يدەيانى جۇزەگە اسىراتىن جاڭا كادرلار كەرەك. قازاق حالقىنىڭ دا، جاڭا سايلانعان پرەزيدەنتتىڭ دە مەرەيى ۇستەم بولسىن! حالقىمەن بىرگە بولا بەرسىن!» – دەدى جازۋشى، دراماتۋرگ، ق ر مەملەكەتتىك سىيلىعىنىڭ لاۋرەاتى دۋلات يسابەكوۆ.