سىرتقى تەمپەراتۋرا +40°س - 45°س بولعان كەزىندە رەلستەر + 58°س - 62°س دەيىن قىزادى.
سوندىقتان «قازاقستان تەمىر جولى» ۇك اق قوزعالىس قاۋىپسىزدىگىن قامتاماسىز ەتۋ ماقساتىندا پويىزدار قوزعالىسىنىڭ جىلدامدىعىنا شەكتەۋلەر قويىپ وتىر، دەپ حابارلايدى Almaty-akshamy.kz «قازاقستان تەمىر جولى» ۇك اق حابارلاماسىنا سىلتەمە جاساپ.
وسىعان بايلانىستى پويىزدار دىتتەگەن جەرىنە كەشەۋىلدەپ جەتەدى.
«قازىرگى ۋاقىتتا سولتۇستىك جانە شىعىس وبلىستاردا اۋا تەمپەراتۋراسى +40°س، وڭتۇستىك جانە باتىس وبلىستاردا +45°س دەيىن كوتەرىلدى. ياعني، سىرتقى تەمپەراتۋرا +40°س - 45°س بولعان كەزىندە رەلستەر + 58°س - 62°س دەيىن قىزادى. سوندىقتان «قازاقستان تەمىر جولى» ۇك اق قوزعالىس قاۋىپسىزدىگىن قامتاماسىز ەتۋ ماقساتىندا پويىزدار قوزعالىسىنىڭ جىلدامدىعىنا شەكتەۋلەر قويىپ وتىر. وسىعان بايلانىستى پويىزدار دىتتەگەن جەرىنە كەشەۋىلدەپ جەتەدى. كومپانيا كەلتىرىلگەن قولايسىزدىقتارعا جولاۋشىلاردىڭ تۇسىنىستىكپەن قاراۋىن سۇرايدى»، – دەپ مالىمدەدى كومپانيا.
قولايسىز اۋا رايى پويىز ءماشينيسىنىڭ جۇمىسىن دا ايتارلىقتاي قيىنداتاتىنى بار.
«لوكوموتيۆ بريگادالارىنا اپتاپ ىستىق كەزىندە پويىزداردى ەرەكشە تارتىپتە ۇستاۋ تاپسىرىلدى»، – دەلىنگەن حابارلامادا.