جۇمىس ىزدەگەن الماتىلىقتارعا بوس جۇمىس ورىندار جارمەڭكەسى ءوتتى

ءىس-شاراعا 90-عا جۋىق جۇمىس بەرۋشى قاتىسىپ، 700 بوس جۇمىس ورنى ۇسىنىلدى.

الماتىنىڭ مەدەۋ اۋدانىندا بوس جۇمىس ورىندار جارمەڭكەسى ءوتتى، دەپ حابارلايدى Almaty-akshamy.kz Almaty.tv سىلتەمە جاساپ. 

رەسپۋبليكا سارايىندا وتكەن ءىس-شاراعا 90-عا جۋىق جۇمىس بەرۋشى قاتىسىپ، 700 بوس جۇمىس ورنى ۇسىنىلدى. جۇمىسپەن قامتۋ ورتالىعىنىڭ قىزمەتكەرلەرى كەلۋشىلەردىڭ سۇراقتارىنا جاۋاپ بەردى. ۇيىمداستىرۋشىلاردىڭ ايتۋىنشا، جۇمىس ىزدەپ كەلگەن ازامات كوپ.

«بوس ورىندار جارمەڭكەسى بيىل ءۇشىنشى مارتە ءوتتى. بۇگىنگى جارمەڭكە الماتى قالاسى جۇمىسپەن قامتۋ ورتالىعىمەن بىرىگىپ، ۇيىمداستىرىلدى. ءبىزدىڭ مەدەۋ اۋدانىندا قالا بويىنشا جۇمىس ىزدەپ جۇرگەن ازاماتتاردىڭ ءبارىن شاقىردىق. ءقازىر 700-گە جۋىق بوس جۇمىس ورنىن بەرىپ وتىرمىز»، – دەدى مەدەۋ اۋدانى اكىمىنىڭ ورىنباسارى ايدار نۇرلىبايەۆ.

ايتا كەتەيىك، جارمەڭكەگە پروباسيا قىزمەتىنىڭ ەسەبىندە تۇرعان ازاماتتار دا كەلىپ، جۇمىسقا جولداما الدى. بۇگىندە مەدەۋ اۋدانى بويىنشا 483 ادام ەسەپتە تۇر.

«جۇمىسسىز جۇرگەنىمە 40 جىل بولدى. جارمەڭكەدەن وزىمە جۇمىس تاپتىم. الدىمەن مەدەۋ اۋدانىنىڭ اكىمدىگىنە العىس بىلدىرەمىن. ەندى جۇمىسىما ادال بولامىن دەپ ويلايمىن. ءبارى تاماشا»،– دەدى جۇمىس ىزدەۋشى ەۆگەنيي سميرنوۆ.