بۇل جۇيە فەرمەرلەر مەن جالپى مەملەكەت ءۇشىن وڭ اسەر ەتەتىن بولادى.
اۋىل شارۋاشىلىعى تاۋارىن وندىرۋشىلەردىڭ نەگىزگى تالابى - سۋبسيديالاۋ كولەمىنە بايلانىستى ابونەنتتىك تولەم تۇرىندە الىناتىن سۋبسيديالاۋ تەتىكتەرىنە قولجەتىمدىلىك ءۇشىن اقىنى الىپ تاستاۋ بولىپ وتىر. بۇل زاڭدى تالاپ، دەپ حابارلادى Almaty-akshamy.kz.
«قولدانىستاعى زاڭناماعا سايكەس، مەملەكەتتىك قولداۋ (سۋبسيديالاۋ) شارالارى مەملەكەتتىك قىزمەتتەر بولىپ تابىلاتىندىقتان تەگىن كورسەتىلۋى كەرەك. بۇل قىزمەتتەردى 200 مىڭنان استام اگروقۇرىلىم الىپ وتىر»، - دەلىنگەن اشم باسپا ءسوز قىزمەتىنىڭ حابارلاماسىندا .
پاندەميانىڭ باسىندا اي سايىنعى تولەمدى ءبىرجاقتى كوتەرۋ كەزەڭىندە فەرمەرلەرگە سۋبسيديا الۋ ءتيىمدى بولمادى، ويتكەنى تولەم مولشەرى سۋبسيديانىڭ كوپ بولىگىن قۇرادى نەمەسە ودان اسىپ تۇسەتىن.
وسىعان بايلانىستى فەرمەرلەرگە بالاما ۇسىنۋ ماقساتىندا 2021 جىلدىڭ سوڭىنان باستاپ قازاقستان رەسپۋبليكاسىنىڭ اۋىل شارۋاشىلىعى مينيسترلىگى «اوك مەملەكەتتىك سۋبسيديالاۋدىڭ ءبىرىڭعاي اقپاراتتىق جۇيەسىن» (مسباج) ازىرلەپ جاتىر.
بۇل جۇيە فەرمەرلەر مەن جالپى مەملەكەت ءۇشىن وڭ اسەر ەتەتىن بولادى. بىرىنشىدەن، بۇل جۇيەدە اوك سۋبسيديالاۋ بويىنشا بارلىق مەملەكەتتىك قىزمەتتەر ەلەكتروندىق فورماتتا كورسەتىلەدى. ەكىنشىدەن، فەرمەرلەر ءۇشىن سۋبسيديالاۋ قىزمەتتەرى تەگىن بولماق، ياعني قوسىمشا اقى الىنبايدى.
مال شارۋاشىلىعى، سونداي-اق وسىمدىك شارۋاشىلىعى، ينۆەستسۋبسيديالاۋ جانە باسقا دا باعىتتار بويىنشا بارلىق قىزمەتتەر ءار ءتۇرلى اقپاراتتىق جۇيەلەردە ەمەس، ءبىرىڭعاي جۇيەدە كورسەتىلەدى.
سونداي-اق كورسەتىلەتىن قىزمەتتى الۋشىلاردان (فەرمەرلەردەن) سۋبسيديالاردى الۋدىڭ ورىندىلىعىن راستاۋ ءۇشىن قوسىمشا انىقتامالاردى تالاپ ەتۋ قاجەتتىلىگى جويىلادى، ويتكەنى تالاپ ەتىلەتىن اقپارات ينتەگراسيا ارقىلى مەملەكەتتىك اقپاراتتىق جۇيەلەردەن الىنادى دەپ كوزدەلىپ وتىر. قازىرگى ۋاقىتتا ءوتىنىم بەرىلگەن ساتتەن باستاپ سۋبسيديا تولەنگەنگە دەيىن سۋبسيديالاۋ بويىنشا كورسەتىلەتىن قىزمەتتەردى تەحنيكالىق پىسىقتاۋ اياقتالدى. سۋبسيديالاردىڭ بارلىق تۇرلەرى بويىنشا اۆتوماتتى ەسەپ ايىرىسۋلاردى پىسىقتاۋ جۇمىستارى اياقتالۋعا جاقىن (96 پاسپورت). اۆتوەسەپتەۋ ءمودۋلى ءوتىنىمدى قابىلداۋ كەزەڭىندە قولدانىستاعى نقا سايكەس، ادامي فاكتورسىز تيەسىلى تولەمدى ەسەپتەۋگە مۇمكىندىك بەرەدى، - دەلىنگەن اقپاراتتا.
2022 جىلدىڭ 1 شىلدەسىندە جۇيە ىسكە قوسىلىپ، اۋىل شارۋاشىلىعى تاۋارىن وندىرۋشىلەردى تىركەۋگە دايىن بولادى. قىزمەت الۋشىلاردىڭ ءوتىنىشى ءۇشىن ءبىرىڭعاي 1475 قىسقا ءنومىر اشىلدى. سونداي-اق پايدالانۋشىلارعا ىڭعايلى بولۋ ءۇشىن تەلەگرامم-چات قۇرىلدى.
سۋبسيديالاۋدىڭ نەعۇرلىم ءتيىمدى تەتىكتەرىن ىسكە اسىرۋ ءۇشىن مسباج -نى وندىرىستىك قۋاتقا شىعارۋ جونىندەگى جۇمىس كورسەتىلەتىن قىزمەتتى بەرۋشىلەرمەن (اكىمدىكتەر) جانە كورسەتىلەتىن قىزمەتتى الۋشىلارمەن (فەرمەرلەر) تىعىز بايلانىستا جالعاساتىن بولادى.
جۇيە تۋرالى تولىعىراق بۇگىن ساعات 20:30-دا 24.kz تەلەارناسىنىڭ ەفيرىندە ق ر اشم اوك مەملەكەتتىك قىزمەتتەردى دامىتۋ جانە سيفرلاندىرۋ دەپارتامەنتىنىڭ باس ساراپشىسى جاقسىلىق ەركىنبەك ەگجەي-تەگجەيلى ايتىپ بەرەدى.