Pfizer قازاقستاندا ۋاقىتشا تىركەلدى
قازاقستان دەنساۋلىق ساقتاۋ مينيسترلىگى ەلدە ۋاقىتشا تىركەلگەن ۆاكسينالار تىزىمىنە Pfizer-BioNTech Comirnaty «كوميرناتي» ۆاكسيناسىن قوستى، دەپ حابارلايدى Almaty-akshamy.kz.
قازاقستان رەسپۋبليكاسى دەنساۋلىق ساقتاۋ مينيسترلىگى جانىنداعى مەديسينالىق جانە فارماسيەۆتيكالىق باقىلاۋ كوميتەتى «كوميرناتي» ۆاكسيناسىنا 8 اي مەرزىمگە ۋاقىتشا تىركەۋ كۋالىگىن بەردى.
دەنساۋلىق ساقتاۋ مينيسترلىگى اتا-اناسىنىڭ كەلىسىمى بويىنشا 12 جاستان اسقان بالالارعا ەكپە ەگۋ جوسپارلانعانىن ايتتى.
بۇل رەتتە، دەپارتامەنت مالىمەتىنشە، ۆاكسينالاۋ ءالى باستالماعان. ناقتى ۋاقىتى كەيىنىرەك حابارلانادى.
ايتا كەتەيىك، 2021 جىلدىڭ 1 قىركۇيەگىندەگى مالىمەت بويىنشا، قازاقستاندا ءبىرىنشى كومپونەنتتى 6 669 969 ادام، ەكىنشى كومپونەنتتى 5 438 316 ادام سالعىزعان.