بۇل مالىمەتتەردى الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا ايتتى، دەپ حابارلايدى almaty-akshamy.kz
الماتى قالاسى كاسىپكەرلەر پالاتاسىنىڭ ديرەكتورى بۇل جوبا سانيتارلىق-ەپيدەميولوگيالىق قاۋىپسىزدىك ماسەلەلەرىندە ءوزىنىڭ تيىمدىلىگىن كورسەتەتىنىن اتاپ ءوتتى. الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتتەرى بويىنشا، 2021 جىلدىڭ 9 ساۋىرىنەن 17 تامىزىنا دەيىن سكانەرلەۋ ناتيجەسىندە 5515 تۇرعىننىڭ «قىزىل»، 735 تۇرعىننىڭ «سارى» مارتەبەسى راستالدى.
بارلىعى 12 ساۋىردەن باستاپ قازاقستاندا 56 893 «قىزىل» جانە 20 774 «سارى» كەلۋشىلەر انىقتالدى، ياعني 77 600-دەن استام ادام كارانتيندى بۇزعان.
«جالپى العاندا، Ashyq جوباسىنا قاتىسۋشىلاردى كەڭىنەن قامتۋدىڭ ارقاسىندا ءوزىن-وزى وقشاۋلاۋ رەجيمىن بۇزۋشىلاردى انىقتاۋ كورسەتكىشى 15 ەسەگە ءوستى. كۇن سايىن رەسپۋبليكا بويىنشا «قىزىل» مارتەبەسى بار 2000-نان استام كەلۋشى انىقتالادى»، - دەدى ايتۋار قوشمامبەتوۆ.
سونىمەن قاتار، ول 1 قىركۇيەكتەگى جاعداي بويىنشا 281 وبەكتىنىڭ الماتىداعى جوبانىڭ كوشباسشىلارى ەكەنىن ايتتى. جەتەكشى كاسىپورىندار ۋاقىتشا ۇلكەن ارتىقشىلىقتارمەن جۇمىس ىستەيتىنى بارشاعا ءمالىم. الايدا، تىركەلمەسە، مارتەبەدەن ايىرىلۋ وڭاي. الدىمەن ستاتۋس 1 اپتاعا، قايتالاپ بۇزىلعان جاعدايدا - 2 اپتاعا جانە ءۇشىنشى رەت بۇزىلعان جاعدايدا - 1 ايعا توقتاتىلادى.
«شەكتەۋ جانە كارانتيندىك شارالاردى بۇزعان جوباعا قاتىسۋشىلارعا اكىمشىلىك شارالار قولدانىلۋدا. بۇل جەردە ايتا كەتۋ كەرەك، الماتى قالاسىندا «قىزىل» مارتەبەسى بار 870 ادامعا جەكە وقشاۋلاۋ رەجيمىن بۇزعانى ءۇشىن 30 اەك مولشەرىندە ايىپپۇل سالىندى»،-دەدى ايتۋار قوشمامبەتوۆ.
كاسىپكەرلەر پالاتاسىنىڭ ديرەكتورى بۇگىندە كاسىپورىنداردىڭ ۆاكسيناسيالانعان قىزمەتكەرلەرىن تەكسەرۋ الگوريتمى بەكىتۋ ساتىسىندا تۇرعانىن ايتتى.
«بيزنەس جانە مۇددەلى مەملەكەتتىك ورگاندارمەن ءبىرقاتار تالقىلاۋلار جۇرگىزىلدى. ۆاكسينالانباعان جۇمىسشىلار انىقتاعالعان سوڭ كاسىپكەرگە سانيتارلىق -پروفيلاكتيكالىق ءىس -شارالار جۇرگىزۋ تۋرالى قاۋلى شىعارىلادى دەپ جوسپارلانۋدا. سودان كەيىن، قايتا سايكەستەندىرۋ كەزىندە كاسىپكەردى اكىمشىلىك جاۋاپكەرشىلىككە تارتۋ ماسەلەسى قارالادى»، - دەيدى ايتۋار قوشمامبەتوۆ.