الەكساندر دەدەرەر: پرەزيدەنتتىڭ ۇلتارالىق كەلىسىمدى ساقتاۋ جونىندەگى نيەتى قۋانتادى

قازاقستاندا ورىس ءتىلىنىڭ قولدانىلۋىنا كەدەرگى كەلتىرۋگە بولمايدى

قازاقستانداعى «ۆوزروجدەنيە» اتتى نەمىستەر قاۋىمداستىعىنىڭ جەتەكشىسى الەكساندر دەدەرەر مەملەكەت باسشىسى  قاسىم-جومارت توقايەۆتىڭ  2021 جىلعى قازاقستان حالقىنا جاساعان جولداۋىنان العان اسەرىمەن ءبولىستى، دەپ حابارلايدى Almaty-akshamy.kz.

الەكساندر دەدەرەردىڭ پىكىرىنشە، قازاقستان پرەزيدەنتى قاسىم-جومارت توقايەۆ حالىققا جاساعان جولداۋىندا كوپتەگەن ماسەلەلەردى كوتەرىپ، وبەكتيۆتى باعاسىن بەردى. بۇل ايتىلعان مەسەلەلەرگە قوعامدى سيفرلاندىرۋ، ينفلياسيامەن كۇرەس، ەڭ تومەنگى جالاقى دەڭگەيىن كوتەرۋ سياقتى ماسەلەلەر جاتادى. سونىمەن قاتار قازاقستانداعى نەمىستەر قاۋىمداستىعىنىڭ جەتەكشىسىنە كوپ ۇلتتى ساياساتقا بايلانىستى ايتىلعان ويلار ۇناعان.

«ءبىزدىڭ ەلدەگى ۇلتارالىق بەيبىتشىلىك پەن كەلىسىمدى ساقتاپ قالۋ ءۇشىن جاسالاتىن نيەت قۋانتادى. سونىمەن قاتار پرەزيدەنت ءبىزدىڭ قازاقستاندىق ۇلت ەكەنىمىزگە ءمان بەردى. ءوزارا تىلدەسۋ بارىسىندا حالىققا ورىس ءتىلىنىڭ قولدانىلۋىنا كەدەرگى كەلتىرۋگە بولمايدى.  ازاماتتىق قوعام ۇسىنىستارىن قولداۋ قاجەت. وسى ارقىلى قوعام مادەنيەتى دامىپ، بۇل ءوز كەزەگىندە مودەرنيزاسياعا الىپ كەلەدى. بۇل مودەرنيزاسياعا قازاقستان حالقى اسسامبلەياسى دا ۇشىرايدى. بۇل دۇرىس، سەبەبى ءبارى وزگەرىپ تۇرۋى قاجەت»، – دەدى الەكساندر دەدەرەر.