فورۋم 19 تامىزعا دەيىن جالعاسادى.
ەكى اپتا بويى پانەلدىك سەسسيالاردا پەداگوگتەر مەكتەپكە دەيىنگى، ورتا، قوسىمشا، تەحنيكالىق جانە كاسىپتىك ءبىلىم بەرۋدەگى وزەكتى ماسەلەلەردى، بالالاردىڭ قۇقىقتارىن قورعاۋ جانە ءبىلىم بەرۋ ساپاسىن قامتاماسىز ەتۋ ماسەلەلەرىن تالقىلايدى، دەپ حابارلايدى Almaty-akshamy.kz.
«تامىز كونفەرەنسياسىنىڭ ماقساتى – پەداگوگيكالىق قاۋىمداستىقپەن ديالوگ ورناتىپ، ءبىلىم بەرۋ سالاسىنداعى پروبلەمالاردى، مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ساپاسىن ارتتىرۋ ماسەلەلەرىن تالقىلاۋ. سونداي-اق جاڭا وقۋ جىلىنىڭ باسىمدىقتارى مەن نەگىزگى مىندەتتەرى ايقىندالادى. شاراعا جاڭاشىل پەداگوگتەر، ءبىلىم بەرۋ ۇيىمدارىنىڭ ۇزدىك جەتەكشىلەرى، ساراپشىلار مەن اتا-انالار قاۋىمىنىڭ وكىلدەرى قاتىسادى. سپيكەرلەر دوڭگەلەك ۇستەلدەر، شەبەرلىك ساباقتارى مەن پرەزەنتاسيالار وتكىزەدى»، - دەدى وقۋ-اعارتۋ مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا.
پانەلدىك سەكسيالار مەن پلەنارلى وتىرىستىڭ ماتەريالدارى بارلىعىنا قولجەتىمدى بولۋى ءۇشىن مينيسترلىكتىڭ سايتىندا جانە الەۋمەتتىك جەلىلەردە ورنالاستىرىلادى. فورۋمنىڭ پلەنارلى وتىرىسى مينيسترلىكتىڭ Facebook، Instagram جانە YouTube جەلىسىندەگى پاراقشالارىندا كورسەتىلەدى.
سونداي-اق فورۋمنىڭ پلەنارلى وتىرىسىندا ۇزدىك پەداگوگتەردى ق ر وقۋ-اعارتۋ مينيسترلىگىنىڭ ۆەدومستۆولىق ناگرادالارىمەن ماراپاتتاۋ ءراسىمى وتەدى.