ورتا سالماقتاعى الەم چەمپيونى گەنناديي گولوۆكين Compas On The Beat باسىلىمىنا بەرگەن سۇحباتىندا مەكسيكالىق جانكۇيەرلەردىڭ سۇيىسپەنشىلىگىنە قالاي يە بولعانىن جانە ءوزىنىڭ بوكس ءستيلىن نەلىكتەن «مەكسيكالىق» دەپ اتاي باستاعانىن ايتىپ بەردى، دەپ حابارلايدى اlmaty-akshamy.kz Sports.kz سايتىنا سىلتەمە جاساپ.
«مەكسيكالىق ستيل» ۇعىمىن GGG كومانداسى بۇرىنعى تالىمگەر – مەكسيكانىڭ تيحۋانا قالاسىنىڭ تۋماسى ابەل سانچەسپەن بىرگە بولعان كەزدە كوبىرەك ناسيحاتتادى. 2019 جىلدان بەرى گەننادييدى دجوناتون بەنكس جاتتىقتىرادى.
– جۇرتشىلىق ءسىزدى «مەكسيكالىق ءستيلىڭىز» ءۇشىن جاقسى كورەدى. لوس-اندجەلەستە تۇراتىن مەكسيكالىقتاردىڭ اراسىندا جانكۇيەرلەرىڭىز كوپ. نەلىكتەن مەكسيكالىق ءستيلدى تاڭدادىڭىز، بۇل قالاي بولدى؟
– مەنىڭ «مەكسيكالىق ءستيلىم» سونشالىقتى مەكسيكالىق ەمەس. «مەكسيكالىق ستيل» - مەنىڭشە، ىشكى جان-دۇنيە، ستيل، ءومىر سالتىن كورسەتۋ. سەنىڭ قانشالىقتى شىنشىل، قانشالىقتى اشىق ەكەنىڭدى تانىتۋ. ادامدار وسىنى ۇناتادى. بۇدان جالعاندىق كورمەيدى. وزدەرىنە ورتاق نارسەلەردى تابادى. ايتالىق، اشىقتىق. مەنىڭ جانكۇيەرلەرىم سوندىقتان كوپ. ولاردى وتە جاقسى كورەمىن جانە العىسىم شەكسىز. ولارمەن بايلانىستى سەزىنەمىن، سەبەبى ءبىز بىردەي ويلايمىز، كىم ەكەنىمىزدى تانىتامىز. مۇنىڭ ءبارىن «مەكسيكالىق ستيل» دەپ اتاۋعا بولادى. ولاردىڭ مەنى تۇسىنگەنىنە، ۇناتقانىنا ريزامىن. بۇل تاماشا عوي.