الماتى تۇرعىنى اعاشتاردىڭ كەسىلۋىنە نارازىلىعىن الەۋمەتتىك جەلىدە جاريالادى

جەلىدەگى مەكتەپ جانىنداعى اعاشتاردىڭ كەسىلۋىنە بايلانىستى  الماتى قالالىق ەكولوگيا جانە قورشاعان ورتانى قورعاۋ دەپارتامەنتى تۇسىنىكتەمە بەردى

ول «سامال-3» ىقشاماۋدانىنداعى مەكتەپ قۇرىلىسى ءجۇرىپ جاتقان جەردەگى قىلقان جاپىراقتى اعاشتاردىڭ كەسىلۋىنە قارسى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«جاسىل جەلەك وتالىپ كەتتى، مەكتەپتى كەڭەيتىپ جاتىر. تىم بولماسا ءبىر اعاش قالدىرۋعا بولار ەدى. بۇل مەكتەپتىڭ وقۋشىلارى قۇرىلىس كومپانياسىن سوتقا بەرەدى دەپ ۇمىتتەنەمىن. ول جەردە قاراعايلار بولدى. «سامال-3» ىقشاماۋدانىنىڭ ماڭى، 25 كورپۋس. فوتو ءبىر اي بۇرىن تۇسىرىلگەن»، — دەپ جازدى الماتىلىق.

الماتى قالالىق ەكولوگيا جانە قورشاعان ورتانى قورعاۋ دەپارتامەنتى جوعارىدا اتالعان مەكەنجايعا بەكىتىلگەن جوبالىق-سمەتالىق قۇجاتتاماعا سايكەس، رۇقسات بەرىلگەنىن حابارلادى.

باسقارماداعىلار ءمالىم ەتكەندەي، جوبادا مەكتەپتىڭ ىرگەلەس اۋماعىن اباتتاندىرۋ قاراستىرىلعان. ال رۇقسات اياسىندا جالپى پايدالانىمداعى جەرلەرگە وتەمدىك كوشەت وتىرعىزىلادى.

«جوبا بويىنشا قۇرىلىس الاڭىندا ءوسىپ تۇرعان 19 اعاش كەسىلدى، ونىڭ التاۋى قىلقان جاپىراقتى. وتەمدىك وتىرعىزۋ ىرگەلەس اۋماقتا جانە جالپى پايدالانۋداعى جەرلەرگە 60 دانا قىلقان جاپىراقتى جانە 130 دانا جاپىراقتى اعاش وتىرعىزىلادى»، - دەپ حابارلادى ۆەدومستۆودان.