2025 جىلدىڭ 1 قاڭتارىنان باستاپ ەلىمىزدە «ۇستاز» پەداگوگتىڭ ۇزدىكسىز كاسىبي دامۋ ۇلتتىق پلاتفورماسىن كەزەڭ-كەزەڭىمەن ەنگىزۋ باستالدى.
بۇل پلاتفورما اتتەستاتتاۋ پروسەسىن اۆتوماتتاندىرۋعا جانە ونى اشىق ءارى ءادىل ەتۋگە مۇمكىندىك بەرەدى، دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمەتىنشە، قازىرگى ۋاقىتتا پلاتفورمادا «پەداگوگ-مودەراتور» جانە «پەداگوگ-ەكسپەرت» بىلىكتىلىك ساناتتارىن الۋ نەمەسە راستاۋ ءۇشىن ۇمىتكەر پەداگوگتەردى اتتەستاتتاۋدىڭ ءبىرىنشى كەزەڭى وتۋدە.
ءاربىر اتتەستاتتالاتىن پەداگوگ ءۇشىن جەكە كابينەت اشىلادى، وندا ساباقتاردى باقىلاۋ ناتيجەلەرى، وقۋشىلاردىڭ ۇلگەرىم دەڭگەيى، پەداگوگيكالىق قوعامداستىقتاعى كاسىبي جەتىستىكتەرى مەن بەلسەندىلىگى تىركەلەدى. بۇل اتتەستاتتاۋ پروسەسىن جۇيەلى باقىلاۋعا مۇمكىندىك بەرەدى جانە ونىڭ اشىق ءارى وبەكتيۆتى بولۋىن قامتاماسىز ەتەدى.
«ۇستاز» پلاتفورماسى اتتەستاتتاۋدى اۆتوماتتاندىرۋ ارقىلى باعالاۋدىڭ نەگىزگى قاعيداتتارىن — دالدىك، سەنىمدىلىك پەن وبەكتيۆتىلىكتى ساقتاي وتىرىپ، جەكە ادام كوزقاراسىنا نەگىزدەلگەن باعالاۋدى جويۋعا كومەكتەسەدى. بۇل جۇيە مۇعالىمدەرگە ءوز قىزمەتىن تالداۋعا جانە ۇنەمى جەتىلدىرۋگە مۇمكىندىك بەرەدى، سونداي-اق ساباقتار مەن ءبىلىم بەرۋ ءىس-شارالارىن باقىلاۋ پروسەسىن جەڭىلدەتەدى.
2025 جىلى پلاتفورما ارقىلى 150 مىڭنان استام قازاقستاندىق پەداگوگ اتتەستاتتاۋدان وتەدى دەپ كۇتىلۋدە.