ەلىمىزدە سوڭعى 5 جىلدا بالا تۋۋدىڭ تۇراقتى ءوسۋى بايقالادى، جالپى العاندا 7،2%-عا، تۋعان بالالار سانى 15%-عا ارتتى.
بۇل تۋرالى دەنساۋلىق ساقتاۋ مينيسترلىگى ءمالىم ەتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
وتكەن جىلى 450 652 بالا دۇنيەگە كەلدى، بۇل 2020 جىلمەن سالىستىرعاندا 23 349-عا كوپ.
بىلتىر كۆي اۋرۋىنىڭ وسۋىنە بايلانىستى COVID-19-بەن سىرقات جۇكتى ايەلدەر مەن بالا تۋۋ جاسىنداعى ايەلدەردىڭ سانى 2020 جىلمەن سالىستىرعاندا 2،5 ەسە ءوستى. ەگەر 2020 جىلى ولاردىڭ سانى 10،2 مىڭعا جۋىق بولسا، 2021 جىلى 26 050-گە جەتتى.
رەانيماسيا بولىمشەلەرىندە كوروناۆيرۋستىق ينفەكسيا اۋىر ءوتىپ جاتقان جۇكتى ايەلدەردىڭ سانى 2،4 ەسە كوپ، ال، وكپەنىڭ جالپى زاقىمدانۋى بار 61 پاسيەنت ەكستراكورپورالدى مەمبرانالىق وكسيگەناسيا (ەكمو) اپپاراتىنا قوسىلعان، بۇل 2020 جىلمەن سالىستىرعاندا 4،5 ەسە كوپ بولدى.
ەكستراكورپورالدى مەمبرانالىق وكسيگەناسيا قوندىرعىسى رەانيماسياداعى پاسيەنتتىڭ وكپەسى مەن جۇرەگىنىڭ قىزمەتىن قولداۋعا مۇمكىندىك بەرەدى.