بيىل 5 ملن گا پايدالانىلمايتىن اۋىل شارۋاشىلىعى جەرلەرى قايتارىلادى.
قازاقستان ۇكىمەتى پايدالانىلمايتىن اۋىل شارۋاشىلىعى جەرلەرىن جاپپاي قايتارۋ جۇمىسىن جالعاستىرىپ جاتىر، دەپ حابارلايدى Almaty-akshamy.kz.
«ق ر اۋىل شارۋاشىلىعى مينيسترلىگىنىڭ كۇشىمەن 2022 جىلدىڭ 6 ايىندا 904 مىڭ گا پايدالانىلماعان نەمەسە زاڭنامانى بۇزا وتىرىپ بەرىلگەن جەر مەملەكەت پايداسىنا قايتارىلدى (2021 جىلى 430 مىڭ گا قايتارىلدى). بيىلعى جىلدىڭ سوڭىنا دەيىن تاعى 5 ملن گا پايدالانىلمايتىن اۋىل شارۋاشىلىعى جەرلەرىن قايتارۋدى قامتاماسىز ەتۋ جوسپارلانىپ وتىر»،- دەلىنگەن اشم باسپا ءسوز قىزمەتىنىڭ حابارلاماسىندا.
مەملەكەت باسشىسىنىڭ تاپسىرماسى بويىنشا پايدالانىلماعان جانە زاڭنامانى بۇزا وتىرىپ بەرىلگەن جەرلەردى قايتارۋ جونىندەگى جۇمىس كوميسسياسى قۇرىلدى. قازىرگى ۋاقىتتا بىرنەشە باعىت بويىنشا جۇمىستار قاتار جۇرگىزىلىپ جاتىر: بارلىق وبلىستاردا قۇقىق قورعاۋ جانە مەملەكەتتىك ورگانداردى تارتا وتىرىپ ۆەدومستۆوارالىق توپتار قۇرىلدى؛ 7،45 ملن گا الاڭدا 2 584 سۋبەكتىگە قاتىستى "جاپپاي ءقاۋىپ" شەڭبەرىندە جەر رەسۋرستارىن باسقارۋ كوميتەتىنىڭ اۋماقتىق بولىمشەلەرىنىڭ تەكسەرۋلەر جۇرگىزۋىن كوزدەيتىن اۋىل شارۋاشىلىعى ءمينيسترىنىڭ بۇيرىعى قابىلداندى. 1 ملن 517 مىڭ گا الاڭدا جەر پايدالانۋشىلارعا قاتىستى 601 جوسپاردان تىس تەكسەرۋ جۇرگىزىلدى، 680،9 مىڭ گا جەرگە قاتىستى تاعى 57 ماتەريال ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ باسقارمالارىندا تىركەۋ ساتىسىندا تۇر. 2021 جىلى 210 مىڭ گا الاڭدا جەر پايدالانۋشىلارعا قاتىستى 177 جوسپاردان تىس تەكسەرۋ تىركەلدى.
مەملەكەت پايداسىنا قايتارىلعان جەرلەردى ودان ءارى اگرارلىق سەكتور وكىلدەرىنە تىكەلەي پايدالانۋعا بەرۋ ءۇشىن جەرگىلىكتى اتقارۋشى ورگاندار (اكىمدىكتەر ارقىلى) بولەدى.