بۇدان بۇرىن قازاقستاندىق فەرمەرلەردىڭ مەملەكەت باسشىسىنا اشىق حات جولداعانىن حابارلاعانبىز.
بۇل باعدارلاماعا شامامەن 40 ميلليارد تەڭگە ءبولۋ جوسپارلانىپ وتىر، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.
اۋىل شارۋاشىلىعى تەحنيكاسىن جەڭىلدىكپەن جالعا الۋ تەتىگىن قىسقا مەرزىمدە قابىلداۋ جوسپارلانىپ وتىر.
ۆەدومستۆودا «وكم وپەراتورىنىڭ» قاراجاتى ەسەبىنەن وتاندىق اۋىل شارۋاشىلىعى تەحنيكاسىن ساتىپ الۋعا جەڭىلدەتىلگەن نەسيە مەحانيزمىن ەنگىزۋگە قاتىستى كەڭەس ءوتتى.
وتىرىس قورىتىندىسى بويىنشا، تاراپتار «جاسىل دامۋ» اق قاراجاتى ەسەبىنەن تەحنيكانى جەڭىلدىكپەن جالعا بەرۋ تەتىگىنىڭ نەگىزگى تاسىلدەرىن تالقىلاپ، كەلىستى.
اۋىل شارۋاشىلىعى تەحنيكاسىن جەڭىلدىكتى ليزينگكە الۋ تەتىگىن بيىل جاپپاي ەگىن جيناۋ جۇمىستارى باستالعانعا دەيىن، قىسقا مەرزىمدە قابىلداۋ جوسپارلانىپ وتىر. باعدارلاما شاعىن جانە ورتا اۋىل شارۋاشىلىعى قۇرىلىمدارىنىڭ تەحنيكا ساتىپ الۋىن ىنتالاندىرۋعا باعىتتالادى.
بۇل باعدارلاماعا شامامەن 40 ميلليارد تەڭگە ءبولۋ جوسپارلانىپ وتىر. قارجىلاندىرۋدى «بايتەرەك» ۇبح» اق ەنشىلەس ۇيىمدارى جۇزەگە اسىرادى.
جۋىردا قازاقستان فەرمەرلەر قاۋىمداستىعى پرەزيدەنت قاسىم-جومارت توقايەۆ پەن پرەمەر-مينيستر ءاليحان سمايىلوۆتىڭ اتىنا اشىق حات جولدادى. ولار اۋىل شارۋاشىلىعى تەحنيكاسىنىڭ جەڭىلدىكپەن ليزينگتەۋ باعدارلاماسىن جەدەل ىسكە قوسۋدى سۇراعان بولاتىن.
ولاردىڭ ايتۋىنشا، مۇنىڭ ناتيجەسىندە ەگىن جيناۋ ناۋقانىنا قىسقا مەرزىمدە 1000-نان استام تراكتور مەن كومباين پاركىن جاڭارتۋعا مۇمكىندىك بولادى.