وقۋ-اعارتۋ ءمينيسترى عاني بەيسەمبايەۆ الداعى جاڭا وقۋ جىلىندا مەكتەپتەردە قانداي وزگەرىس بولاتىنىن ايتتى، - دەپ حابارلايدى اqshamnews.kz ءتىلشىسى.
بەيسەمبايەۆتىڭ ايتۋىنشا، قازاقستاندا جاڭا وقۋ جىلى ءداستۇرلى تۇردە 1 قىركۇيەكتە باستالىپ، 25 مامىردا اياقتالادى.
ءمينيستردىڭ مالىمەتىنشە، ءبىلىم كۇنىنە ارنالعان سالتاناتتى جيىنداردىڭ وتكىزىلۋ مەرزىمىن ەندى ءار مەكتەپ ءوزى شەشەتىن بولادى - سوڭعى شەشىمدى پەداگوگيكالىق كەڭەس قابىلدايدى.
"وقۋ پروسەسى 2 قىركۇيەكتەن باستالادى. ال سالتاناتتى جيىندى وتكىزۋ كۇنى مەن ۋاقىتىن مەكتەپتىڭ پەداگوگيكالىق كەڭەسى شەشەدى. ەگەر مەكتەپ پەن پەدكەڭەس جيىندى 1 قىركۇيەكتە وتكىزۋدى ورىندى دەپ تاپسا، ءبىز ونداي مۇمكىندىك بەرەمىز"، – دەدى مينيستر.