قازاقستاندا 1 ماۋسىمدى قوسىمشا دەمالىس كۇنى رەتىندە بەلگىلەۋ مۇمكىندىگىنە قاتىستى ۇكىمەت پىكىر ءبىلدىردى، - دەپ حابارلايدى اqshamnews.kz ءتىلشىسى.
ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى اسقاربەك ەرتايەۆتىڭ ايتۋىنشا، بۇل ماسەلە قازىرگى ۋاقىتتا تالقىلانىپ جاتىر.
"بۇگىندە قازاقستاندا 10 مەملەكەتتىك مەرەكە بار. مۇنداي كەز كەلگەن ۇسىنىس مەملەكەتتىك ورگاندارمەن قارالىپ، كەلىسىلىپ وتىرادى. 1 ماۋسىم بويىنشا راسىندا دا ۇسىنىس بولدى، ءقازىر بۇل ماسەلە مەملەكەتتىك ورگاندارمەن، ساراپشىلارمەن بىرگە تالقىلانىپ جاتىر. ناتيجەسىن سىزدەرگە مىندەتتى تۇردە جەتكىزەمىز. قىركۇيەككە دەيىن بۇل تالقىلاۋلار اياقتالادى"، – دەدى ەرتايەۆ ۇكىمەتتەگى بريفينگتە.
سونداي-اق، ۆيسە-پرەمەر ەرمەك كوشەربايەۆقا ەلىمىزدە مەرەكەلەر مەن دەمالىس كۇنىنىڭ كوپ بولۋى ەكونوميكالىق جاعدايعا اسەر ەتپەي مە دەگەن سۇراق قويىلدى.
"باسقا ەلدەرمەن، اسىرەسە ەكونوميكاسى جاقسى دامىعان مەملەكەتتەرمەن سالىستىرعاندا، بىزدە مەرەكەلەر كوپتەۋ. بۇل، ارينە، اسەر ەتۋى مۇمكىن. ءبىراق ءوندىرىسى توقتاماي جۇمىس ىستەيتىن كاسىپورىندار ءبارىبىر جۇمىسىن جالعاستىرادى. ارينە، مەرەكە كۇندەرى ونداعى اكىمشىلىك زاڭناماعا سايكەس قوسىمشا اقى تولەۋى كەرەك. ال سول كۇندەرى جۇمىس ىستەگەندەرگە دەمالىس نەمەسە قوسىمشا ەڭبەك دەمالىسى بەرىلۋگە ءتيىس"، – دەپ جاۋاپ بەردى كوشەربايەۆ.