قازاقستاندا ونەركاسىپتىك ءوندىرىستىڭ يندەكسى ءوستى

الماتى قالاسىندا بۇل كورسەتكىش 112،7% قۇرادى.

قازاقستان ۇكىمەتى ءوندىرىس كولەمىنىڭ وسكەنىن ايتىپ وتىر، دەپ حابارلايدى Almaty-akshamy.kz.

«ءوندىرىس كولەمىنىڭ ءوسۋى رەسپۋبليكانىڭ 15 وڭىرىندە تىركەلدى، ايتارلىقتاي ءوسىم الماتى قالاسى  (112،7%)، اقمولا (109%)، اتىراۋ (108،7%) جانە جامبىل (108%) وبلىستارىنىڭ ەنشىسىندە. بۇل رەتتە تومەندەۋ قىزىلوردا (3،9%-عا) جانە پاۆلودار (0،8%-عا) وبلىستارىندا تىركەلدى»، - دەلىنگەن ۇلتتىق ستاتيستيكا بيۋروسىنىڭ حابارلاماسىندا.

2022 جىلعى قاڭتار-مامىردا 19 506 ملرد تەڭگە ونەركاسىپ ءونىمى، ونىڭ ىشىندە تاۋ-كەن ءوندىرۋ ونەركاسىبى سالاسىندا 10 257 ملرد تەڭگە (جالپى كولەمنەن 52،6%)، وڭدەۋ ونەركاسىبىندە 8 082 ملرد تەڭگە (41،4%) ءونىم ءوندىرىلدى.

2021 جىلعى قاڭتار-مامىرمەن سالىستىرعاندا شيكى مۇناي (104،7%) جانە تابيعي گاز ءوندىرۋ (106،3%)، سۋسىندار (118،3%)، تەمەكى ونىمدەرى (116،8%)، حيميا (110،9%) جانە مەتاللۋرگيا ونەركاسىبى (103،1%)، رەزەڭكە جانە پلاستماسسا بۇيىمدارى (111،4%)، فارماسيەۆتيكا (104،7%) جانە وزگە دە بەيمەتالل مينەرالدىق ونىمدەر (105،2%) ءوندىرىسىنىڭ ءوسۋى بايقالدى.