كەيىنگى بەس جىلدىڭ ىشىندە قازاقستاندا ونكولوگيالىق اۋرۋلاردان بولاتىن ءولىم 20%-عا تومەندەدى.
مۇنداي ناتيجەلەرگە 2023-2027 جىلدارعا ارنالعان ونكولوگيالىق اۋرۋلارمەن كۇرەس جونىندەگى كەشەندى جوسپاردى ىسكە اسىرۋ شەڭبەرىندە قول جەتكىزىلدى، - دەپ حابارلايدى Aqshamnews.kz.
نەگىزگى ناتيجەلەر
* 2025 جىلى وبىردىڭ 42 مىڭنان استام جاڭا جاعدايى تىركەلدى (انىقتاۋدى جاقسارتۋدىك ەسەبىنەن 5 جىلداعى ورتاشا كورسەتكىشكە+7،8%).
* ديناميكالىق باقىلاۋدا-246 205 پاسيەنت، ونىڭ 55%-دان استامى ەڭبەككە قابىلەتتى جاستاعى ادامدار.
* 5 جىل نەمەسە ودان دا كوپ ءومىر سۇرەتىن پاسيەنتتەردىع ۇلەسى 63%-عا دەيىن ءوستى.
* ەرتە دياگنوستيكا دەڭگەيى 33%-دان استى.
* ءولىم 100 مىڭ تۇرعىنعا شاققاندا 61 جاعدايعا دەيىن تومەندەدى.
نە ىستەلدى
* ونكولوگيالىق قىزمەتكە 30،4 ملرد تەڭگە باعىتتالدى.
* 6 جاڭا سىزىقتىق ۇدەتكىش ەنگىزىلدى، ساۋلەلىك تەراپيامەن قامتۋ 61%-عا جەتتى.
* ەمدەۋدىڭ زاماناۋي ادىستەرى ەنگىزىلدى: ءاداپتيۆتى جانە 4D-ساۋلەلىك تەراپيا.
* قىزىلوردا مەن اقتاۋدا 2 پەت/كت ورتالىعى اشىلدى.
* ماقساتتى جانە يممۋندىق-ونكولوگيالىق پرەپاراتتارعا قولجەتىمدىلىك كەڭەيتىلدى (7 اتاۋ).
* 17 ونكولوگيا ورتالىعىندا گوسپيتالدىق فارماسيا ورتالىقتارى جۇمىس ىستەيدى.
* اسقازان-ىشەك جولدارىنىڭ وبىرىن ەرتە انىقتاۋ ءۇشىن 19 ەندوسكوپيالىق ساراپتاما ورتالىعى قۇرىلدى.
الدىن الۋ جانە قول جەتىمدىلىك
* ونكوسكرينينگتەر بارلىق ساقتاندىرىلماعان حالىققا قولجەتىمدى.
* 2026 جىلدان باستاپ تومەن دوزالى كت جانە جي قولدانۋ ارقىلى وكپە وبىرىنىڭ پيلوتتىق سكرينينگى باستالادى.
* شالعاي وڭىرلەردە جىلجىمالى مەديسينالىق كەشەندەر جۇمىس ىستەيدى، ولاردىڭ جەلىسى كەڭەيىپ كەلەدى.
كادرلار جانە حالىقارالىق تاجىريبە
* تۇركيا، جۇڭگو، رەسەي، وزبەكستان، ءازىربايجان جانە قىرعىزستاننىڭ جەتەكشى ونكولوگيا ورتالىقتارىمەن ىنتىماقتاستىق ورناتىلدى.
* 35 مامان شەتەلدە وقۋدان جانە تاعىلىمدامادان ءوتتى.
كەشەندى جوسپاردى ىسكە اسىرۋ الدىن الۋ مەن ەرتە انىقتاۋدان باستاپ جوعارى تەحنولوگيالىق ەمدەۋمەن جانە دارى-دارمەكپەن قامتاماسىز ەتۋگە دەيىنگى جۇيەلى ءتاسىلدى قۇرۋعا مۇمكىندىك بەردى.