قازاقستاندىق سپورتشىلاردىڭ XXV قىسقى وليمپيادا ويىندارىنا ارنالعان كيىم-كەشەكتەر جيىنتىعى 22 اتاۋدى قامتيدى. بۇل تۋرالى ق ر تۋريزم جانە سپورت ءمينيسترى ەربول مىرزابوسىنوۆ ۇكىمەت وتىرىسىندا مالىمدەدى، - دەپ حابارلايدى Aqshamnews.kz.
مينيستر تەحنيكالىق تالاپتاردى، ماكەتتەردى جانە جەتكىزىلەتىن سپورتتىق كيىم-كەشەكتى باقىلاۋدى ۇيلەستىرۋ ماقساتىندا ۇلتتىق وليمپيادا كوميتەتى، ۆەدومستۆولىق باعىنىستى ۇيىمدار وكىلدەرىنىڭ، سونداي-اق بەلگىلى سپورتشىلاردىڭ قاتىسۋىمەن جۇمىس كوميسسياسى قۇرىلعانىن اتاپ ءوتتى. كوميسسيا سپورتتىق كيىم-كەشەكتىڭ ەسكيزىن بەكىتتى، ءقازىر ول حالىقارالىق وليمپيادا كوميتەتىمەن كەلىسىلۋدە. كيىم-كەشەك جيىنتىعىنا سپورتشىلاردىڭ اشىلۋ جانە جابىلۋ سالتاناتىنا قاتىسۋعا ارنالعان كيىم فورماسى، سونداي-اق سپورتتىق ءىس-شارا كەزىندە پايدالانۋعا ارنالعان جىلى سىرت كيىم كىرەدى. سونداي-اق سپورتتىق جاتتىعۋلارعا، دەنە قىزدىرۋعا جانە كۇندەلىكتى قولدانۋ ءۇشىن سپورتشىلارعا ارنالعان جاتتىعۋ جانە كۇندەلىكتى كيىمدەر كىرەدى.
«جالپى، سپورتتىق كيىم-كەشەكتەر جيىنتىعى 22 اتاۋدى قامتيدى. فورما بيۋدجەتتەن تىس قاراجات ەسەبىنەن ساتىپ الىندى»، - دەدى ەربول مىرزابوسىنوۆ.