تۇركىستاندا ەكى بالاسىن تۇنشىقتىرىپ ولتىرگەن اناعا سوت ۇكىمى شىقتى
*تۇركىستان، * – تۇركىستان قالاسىندا اقپان ايىندا بولعان جانتۇرشىگەرلىك وقيعا بويىنشا سوت ۇكىمى شىقتى. ەكى بالاسىن تۇنشىقتىرىپ ولتىرگەن بوتا حاميت قىزى 15 جىلعا باس بوستاندىعىنان ايىرىلدى. الايدا، سوتتالۋشى ۇكىممەن كەلىسپەي وتىر، دەپ حابارلايدى اlmaty-akshamy.kz.
سوتتىڭ سوڭعى وتىرىسىنا جابىرلەنۋشى تاراپ، ياعني بالالاردىڭ اكەسى، قاتىسقان جوق. ايىپ اكتىسىنە سايكەس، شيەلى اۋدانىندا باستاۋىش سىنىپتىڭ ءمۇعالىمى بولىپ جۇمىس ىستەگەن 30 جاستاعى كەلىنشەك كۇيەۋىنە رەنجىپ، تۇركىستان قالاسىنا كەلگەن. الدىمەن ۇلى مەن قىزىن ويىن ورتالىعىنا اپارىپ، كەيىن جالداعان پاتەرگە اكەلىپ، ولاردى ۇيىقتاتىپ، تۇنشىقتىرىپ ولتىرگەن. وسىدان كەيىن شىمكەنت قالاسىنا قاشىپ كەتكەن.
پسيحياتريالىق ساراپتاما قورىتىندىسى
پسيحياتريالىق ساراپتاما ناتيجەسىندە ايەلدىڭ اقىل-ەسى دۇرىس ەكەنى انىقتالدى. ساراپتاما التىنشى ناۋرىزدا باستالىپ، ءتورتىنشى ساۋىردە اياقتالعان. 29 كۇندىك باقىلاۋدان كەيىن ماماندار وسىنداي قورىتىندىعا كەلگەن.
«ساراپتاما التىنشى ناۋرىزدا باستالىپ، ءتورتىنشى ساۋىردە اياقتالدى. 29 كۇن بويى تولىق باقىلاۋدان ءوتتى. ماماندار وسىنداي قورىتىندىعا كەلدى، ياعني ەسى دۇرىس دەگەن جاۋاپ بەردى»، - دەپ مالىمدەدى تۇركىستان وبلىستىق قىلمىستىق ىستەر جونىندەگى اۋدانارالىق سوتىنىڭ سۋدياسى داۋرەن مادالييەۆ.
بۇل وقيعا قوعامدا ۇلكەن رەزونانس تۋدىرىپ، كوپشىلىكتىڭ نازارىن اۋداردى. سوت ۇكىمى ءادىل بولۋ ءۇشىن بارلىق قاجەتتى ساراپتامالار مەن دالەلدەر قارالىپ، ءتيىستى شەشىم قابىلدانعانى مالىمدەلدى.