اسقار مامين Nur Otan پارتياسى باعدارلاماسىنىڭ 2021 جىلعا ارنالعان نىسانالى ينديكاتورلارىنىڭ ورىندالۋىن قامتاماسىز ەتۋدى تاپسىردى
ق ر پرەمەر-مينيسترى اسقار مامين مادەنيەت پەن ءبىلىم بەرۋدى دامىتۋ ماسەلەلەرى بويىنشا Nur Otan پارتياسىنىڭ سايلاۋالدى باعدارلاماسىنىڭ جول كارتاسىن ىسكە اسىرۋ جونىندەگى شتاب وتىرىسىن وتكىزدى، دەپ حابارلايدى almaty-akshamy.kz
مادەنيەت جانە سپورت ءمينيسترى اقتوتى رايىمقۇلوۆا Nur Otan پارتياسىنىڭ سايلاۋالدى باعدارلاماسىندا 2025 جىلعا قاراي 1500 مادەنيەت نىسانىن سالۋ جانە جوندەۋ بويىنشا العا قويىلعان مىندەتتەردى ىسكە اسىرۋ بارىسى تۋرالى باياندادى.
بيىل 89 مادەنيەت نىسانىن سالىپ، 211 نىساندى جوندەۋ كوزدەلگەن. قازاقستاندىقتار مەن شەتەلدىك تۋريستەر اراسىندا تانىمال ەتۋ ماقساتىندا تۇركىستان جانە اتىراۋ وبلىستارىنداعى رەسپۋبليكالىق مۋزەي-قورىقتاردىڭ اۋماقتارىندا «ورداباسى» جانە «سارايشىق» ۆيزيت-ورتالىقتارىن سالۋ جۇمىستارى جۇرگىزىلىپ جاتىر.
مادەنيەت نىساندارىن سالۋ كەستەسىن ىسكە اسىرۋ بويىنشا جۇمىس بارىسى تۋرالى ءوڭىر اكىمدەرى باياندادى.
ءبىلىم جانە عىلىم ءمينيسترى اسحات ايماعامبەتوۆ Nur Otan پارتياسىنىڭ سايلاۋالدى باعدارلاماسىن ىسكە اسىرۋ اياسىندا 2021 جىلدان 2025 جىلعا دەيىنگى كەزەڭدە شاعىن قالالاردا، اۋدان ورتالىقتارى مەن اۋىلداردا 5000 مەكتەپ جاڭعىرتىلاتىنىن باياندادى.
بيىل 1015 مەكتەپتى جاڭعىرتۋ جۇمىستارى جۇرگىزىلۋدە، وعان كۇردەلى جانە اعىمداعى جوندەۋ، ءپان كابينەتتەرىن جابدىقتاۋ، مەكتەپ جيھازدارىن جاڭارتۋ، مەكتەپ كىتاپحانالارى مەن اسحانالارىن دامىتۋ، ءقاۋىپسىز جاعدايلار جاساۋ سياقتى باعىتتار كىرەدى.
بۇل رەتتە مەكتەپتەردىڭ 80%-ىندا فيزيكا، حيميا جانە بيولوگيا پاندەرى كابينەتتەرى اشىلادى. پەتروپاۆل جانە شىمكەنت قالالارىندا بازاسىندا نازاربايەۆ ۋنيۆەرسيتەتىنىڭ تاجىريبەسى بويىنشا وزىق وڭىرلىك جوعارى وقۋ ورىندارى قۇرىلاتىن ۋنيۆەرسيتەتتەر ايقىندالدى. وسىلايشا، م. قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ بازاسىندا قازىرگى تاڭدا الەۋمەتتىك-گۋمانيتارلىق عىلىمدار جوعارى مەكتەبى (نازاربايەۆ ۋنيۆەرسيتەتىنىڭ باسقارۋىمەن) جانە تەحنولوگيا جانە جاراتىلىستانۋ عىلىمدارى جوعارى مەكتەبى (اقش اريزونا ۋنيۆەرسيتەتىنىڭ باسقارۋىمەن) قۇرىلدى.
م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ بازاسىندا دايارلاۋدىڭ كەلەسى باعىتتارى انىقتالدى: حيميالىق ينجەنەريا جانە بيوتەحنولوگيا، توقىما جانە تاماق ينجەنەرياسى، اقپاراتتىق تەحنولوگيالار جانە ەنەرگەتيكا، ساۋلەت، قۇرىلىس جانە كولىك.
پرەمەر-مينيستر Nur Otan پارتياسىنىڭ سايلاۋالدى باعدارلاماسىنىڭ جول كارتاسىن ىسكە اسىرۋ بويىنشا بيىلعا بەلگىلەنگەن نىسانالى ينديكاتورلاردىڭ ورىندالۋىنا قاتاڭ باقىلاۋدى قامتاماسىز ەتۋدى تاپسىردى.
- Nur Otan پارتياسىنىڭ سايلاۋالدى باعدارلاماسىن ىسكە اسىرۋدا جۇيەلى جۇمىستى جالعاستىرۋ قاجەت. پارتيانىڭ حالىق الدىنداعى بارلىق مىندەتتەمەلەرى ۋاقىتىلى ورىندالۋى ءتيىس، — دەدى اسقار مامين.