قازاقستاندا مۇناي-گاز جابدىقتارىن شىعاراتىن زاۋىت ىسكە قوسىلدى

ءوندىرىس الاڭىندا قوسىمشا 40 جۇمىس ورنى اشىلعان.

قازاقستاندا جاڭا وندىرىستىك الاڭ ىسكە قوسىلدى. بۇل الاڭدا ماماندار مۇناي-گاز جابدىقتارىن شىعارادى، دەپ حابارلايدى Almaty-akshamy.kz.

«پاۆلودار قالاسىندا «كازپرومبەزوپاسنوست» ج ش س مۇناي-گاز جابدىقتارىن شىعاراتىن وندىرىستىك الاڭ ىسكە قوسىلدى. اتالعان جوبا يندۋستريالاندىرۋ كارتاسى شەڭبەرىندە جۇزەگە اسىرىلدى. وندىرىستىك الاڭدى قۇرۋ مەن دامىتۋ شارالارىنا 246 ملن تەڭگەدەن استام قارجى ينۆەستيسيالانعان»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.

كاسىپورىن جىلۋ الماسۋ اپپاراتتارىن، كوندەنساتورلار، اۋانى سالقىنداتاتىن اپپاراتتار، كريوگەندىك جابدىقتار، قۇبىر بولشەكتەرى مەن قۇبىرلاردىڭ كوپتەگەن تۇرلەرىن، ءتۇرلى مەتالل كونسترۋكسيالارىن شىعارادى. ءوندىرىس ورنى وندىرىلەتىن تاۋار جەلىسىن ودان ءارى كەڭەيتۋدى جوسپارلاپ وتىر.

«كازپرومبەزوپاسنوست پۆ» ج ش س وندىرىستىك الاڭىندا جوعارى ساپالى ءونىمدى دايىنداۋ ءۇشىن بارلىق تالاپتارعا جاۋاپ بەرەتىن زاماناۋي جابدىقتار ورناتىلعان.

ءوندىرىس الاڭىندا قوسىمشا 40 جۇمىس ورنى اشىلعان. الداعى ۋاقىتتا كاسىپورىنداعى قىزمەتكەرلەر سانىن 150 ادامعا دەيىن جەتكىزۋ جوسپاردا بار.