قازاقستاندا Migration.enbek.kz كوشى-قون رەسۋرستارى پورتالى (بۇدان ءارى – Migration پورتالى) ىسكە قوسىلدى، ول كەلەتىن شەتەلدىك ازاماتتار تۋرالى اقپاراتتى ورتالىقتاندىرىلعان باسقارۋ قۇرالدارىن بىرىكتىرەدى، سونداي-اق كوشى-قون سالاسىندا كورسەتىلەتىن مەملەكەتتىك قىزمەتتەردىڭ ساپاسىن ارتتىرۋعا مۇمكىندىك بەرەدى.
Migration پورتالى – بيزنەس-پروسەستەردى رەينجينيرينگتەۋ جانە كوشى-قون سالاسىنداعى مەملەكەتتىك ورگانداردىڭ اقپاراتتىق جۇيەلەرىنىڭ ءوزارا ءىس-قيمىلىن دامىتۋ جولىمەن قۇرىلعان يننوۆاسيالىق پلاتفورما.
شەتەل ازاماتتارى تۋرالى اقپاراتتى ورتالىقتاندىرۋ جانە بىرىزدەندىرۋ كوشى-قون پروسەستەرىنىڭ ءارتۇرلى كەزەڭدەرىن سينحرونداۋعا، دەرەكتەردى تيىمدىرەك باسقارۋعا، ولاردى وڭدەۋ مەرزىمدەرى مەن شىعىندارىن قىسقارتۋعا مۇمكىندىك بەرەدى.
پورتالدا كوشى-قون سالاسىنداعى مەملەكەتتىك قىزمەتتەردىڭ كەڭ سپەكترى بار، مىسالى: «قانداس» مارتەبەسىن بەرۋ، قونىس اۋدارۋشىلار مەن قانداستاردى قابىلداۋدىڭ وڭىرلىك كۆوتاسىنا ەنگىزۋ، «اتا جولى» كارتاسىن بەرۋ، پانا ىزدەۋشى ادام كۋالىگىن الۋ جانە ت. ب.
پورتال جانە كورسەتىلەتىن مەملەكەتتىك قىزمەتتەر تۋرالى قوسىمشا اقپاراتتى migration.enbek.kz سايتىنان الۋعا بولادى.