ق ر ەنەرگەتيكا مينيسترلىگى وڭىرلەردەگى جىلىتۋ كەزەڭىنىڭ ءوتۋ بارىسىنا مونيتورينگ جۇرگىزەدى. بۇل ماسەلە رەسپۋبليكا ۇكىمەتىنىڭ قاتاڭ باقىلاۋىندا، دەپ حابارلايدى almaty-akshamy.kz
سوڭعى تاۋلىكتە كەيبىر وبلىستارداعى جىلۋمەن جابدىقتاۋ وبەكتىلەرىندە تەحنولوگيالىق بۇزۋشىلىقتار تىركەلدى.
جەو-داعى بۇزۋشىلىقتاردى جويۋ ءۇشىن بارلىق قاجەتتى ماتەريالدار، سونداي-اق پەرسونال تولىق كولەمدە بار.
قازىرگى تاڭدا جەزقازعان جىلۋ ەلەكتر ورتالىعى مەن كەنتاۋ جىلۋ ەلەكتر ورتالىعىندا رەزەرۆتىك قازاندىقتار ءبىر كۇن بۇرىن ىسكە قوسىلدى. ال ريددەر جەو-دا تەمپەراتۋرا بەكىتىلگەن كەستەدەن تومەندەۋى تىركەلگەن جوق.
جالپى، رەسپۋبليكا بويىنشا ەلەكتر ستانسيالارىندا 8 ەنەرگوبلوك، 43 قازاندىق جانە وسىنداي 43 تۋربيناعا جوندەۋ جاسالدى.
كومىر قورى 4،9 ملن. توننانى قۇرايدى، بۇل وتكەن جىلعى دەڭگەيدەن 67% - عا ارتىق. 108 مىڭ توننا مازۋت جينالدى. بارلىق جەو-دا وتىننىڭ نورماتيۆتىك قورى بار.
ەنەرگەتيكا مينيسترلىگى 2023 جىلعى 1 ماۋسىمنان باستاپ ەلەكتر ەنەرگياسىن وندىرۋگە ارنالعان شەكتى ءتاريفتى تۇزەتۋدى جۇرگىزدى. بۇل شارا ەلەكتر ستانسيالارىن جوندەۋگە 146،5 ملرد. تەڭگە كولەمىندە قارجى كولەمىن تارتۋعا مۇمكىندىك بەردى.
مەملەكەتتىك قولداۋ شارالارى شەڭبەرىندە جەكەلەگەن جىلۋ كوزدەرىن جىلىتۋ ماۋسىمىنا دايىنداۋ ءۇشىن ق ر ۇكىمەتىنىڭ رەزەرۆىنەن ريددەر جانە ەكىباستۇز قالالارىنىڭ جەو، اقتاۋ قالاسىنىڭ ەنەرگيا كوزدەرى ءۇشىن كۇردەلى جوندەۋ، رەكونسترۋكسيالاۋ جانە قاجەتتى جابدىقتاردى ساتىپ الۋعا قاراجات ءبولىندى. اتاپ ايتقاندا، كوكشەتاۋ قالاسىنىڭ قازاندىعىن جوندەۋگە 21،5 ملرد. تەڭگە ءبولىندى، بۇل بارلىق نەگىزگى جابدىقتاردى كۇردەلى جوندەۋگە مۇمكىندىك بەردى. سونداي-اق، كەنتاۋ قالاسىنىڭ جەو جوندەۋگە وبلىستىق بيۋدجەتتەن 3،7 ملرد.تەڭگە ءبولىندى. سونىمەن قاتار، ەلەكتر ستانسيالارىنىڭ يەلەرى شامامەن 16،5 ملرد. تەڭگەنى تىكەلەي سالعان.