قازاقستاندا مەملەكەتتىك كەڭەسشى جاڭا لاۋازىمى پايدا بولدى

قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ق ر مەملەكەتتىك كەڭەسشىسىنىڭ مارتەبەسى مەن وكىلەتتىكتەرىن ايقىندايتىن جارلىققا قول قويدى.

قۇجاتقا سايكەس، قازاقستان رەسپۋبليكاسىنىڭ مەملەكەتتىك كەڭەسشىسىن پرەزيدەنت تاعايىنداپ، لاۋازىمنان بوساتا الادى. ءوزىنىڭ قىزمەتىن مەملەكەت باسشىسىنىڭ تىكەلەي باسشىلىعىمەن جۇزەگە اسىرادى، وعان ەسەپ بەرەدى جانە باقىلاۋىندا بولادى.

سونداي-اق مەمكەڭەسشى پرەزيدەنت جانىنداعى كونسۋلتاتيۆتىك-كەڭەسشى ورگانداردىڭ قىزمەتىن ۇيلەستىرەدى. ءوزىنىڭ قۇزىرەتىنە كىرەتىن ماسەلەلەر بويىنشا ورتالىق جانە جەرگىلىكتى اتقارۋشى ورگاندارعا تاپسىرما بەرۋگە؛ ۇكىمەتتىڭ، مەملەكەت باسشىسىنىڭ جانىنداعى كونسۋلتاتيۆتىك-كەڭەسشى ورگانداردىڭ وتىرىستارىنا قاتىسۋعا؛ ۆەدومستۆوارالىق جۇمىس توپتارىن قۇرۋعا قۇقىلى.

بۇدان بولەك، پارلامەنتپەن، باسقا دا مەملەكەتتىك ورگاندارمەن، ساياسي پارتيالارمەن جانە قوعامدىق بىرلەستىكتەرمەن قارىم-قاتىناستا، حالىقارالىق قارىم-قاتىناستاردا وكىلدىك ەتەدى. الەۋمەتتىك-گۋمانيتاريا سالاسى: ءبىلىم، عىلىم، مادەنيەت جانە سپورت ماسەلەلەرى بويىنشا قىزمەتتى ۇيلەستىرەدى.

جارلىق ءماتىنىن تولىق جاريالايمىز

* * *

قازاقستان رەسپۋبليكاسى مەملەكەتتىك كەڭەسشىسىنىڭ مارتەبەسى مەن وكىلەتتىكتەرى، قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىستەر ەنگىزۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىن كۇشى جويىلدى دەپ تانۋ تۋرالى

قازاقستان رەسپۋبليكاسى كونستيتۋسياسىنىڭ 44-بابىنىڭ 19) تارماقشاسىنا سايكەس قاۋلى ەتەمىن:

1. قازاقستان رەسپۋبليكاسىنىڭ مەملەكەتتىك كەڭەسشىسى (بۇدان ءارى – مەملەكەتتىك كەڭەسشى) قازاقستان رەسپۋبليكاسىنىڭ پرەزيدەنتى لاۋازىمعا تاعايىندايتىن جانە لاۋازىمنان بوساتاتىن قازاقستان رەسپۋبليكاسىنىڭ لاۋازىمدى ادامى بولىپ تابىلادى.

2. مەملەكەتتىك كەڭەسشى ءوزىنىڭ قىزمەتىن قازاقستان رەسپۋبليكاسى پرەزيدەنتىنىڭ تىكەلەي باسشىلىعىمەن جۇزەگە اسىرادى، وعان ەسەپ بەرەدى جانە باقىلاۋىندا بولادى.

3. مەملەكەتتىك كەڭەسشى قىزمەتىنىڭ قۇقىقتىق نەگىزىن قازاقستان رەسپۋبليكاسىنىڭ كونستيتۋسياسى، زاڭدارى، وسى جارلىق جانە قازاقستان رەسپۋبليكاسى پرەزيدەنتىنىڭ وزگە دە اكتىلەرى قۇرايدى.

4. مەملەكەتتىك كەڭەسشى مىناداي وكىلەتتىكتەردى جۇزەگە اسىرادى:

1) قازاقستان رەسپۋبليكاسىنىڭ پرەزيدەنتىنە ىشكى ساياسات سالاسى بويىنشا ستراتەگيالىق ۇسىنىستاردى تۇجىرىمدايدى؛

2) مەملەكەت باسشىسىنىڭ تاپسىرماسىنا سايكەس: قازاقستان رەسپۋبليكاسىنىڭ پارلامەنتىمەن جانە ونىڭ پالاتالارىمەن، باسقا دا مەملەكەتتىك ورگاندارمەن، ساياسي پارتيالارمەن جانە قوعامدىق بىرلەستىكتەرمەن قارىم-قاتىناستاردا؛ حالىقارالىق قارىم-قاتىناستاردا وكىلدىك ەتەدى؛

3) مىنالاردى: الەۋمەتتىك-گۋمانيتارلىق سالا: ءبىلىم، عىلىم، مادەنيەت جانە سپورت ماسەلەلەرى بويىنشا قىزمەتتى ۇيلەستىرەدى؛ مەملەكەت باسشىسىنىڭ جانىنداعى كونسۋلتاتيۆتىك-كەڭەسشى ورگانداردىڭ: سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ؛ مەملەكەتتىك ناگرادالار جونىندەگى كوميسسيانىڭ؛ ازاماتتىق ماسەلەلەرى جونىندەگى كوميسسيانىڭ؛ مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى جونىندەگى رەسپۋبليكالىق كوميسسيانىڭ؛ شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ؛ قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ؛ قازاقستان رەسپۋبليكاسىنىڭ اباي اتىنداعى ادەبيەت پەن ونەر سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ؛ قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ؛ ساياسي قۋعىن-سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ؛ ۇلتتىق قۇرىلتايدىڭ جانە جاستار ساياساتى جونىندەگى كەڭەستىڭ قىزمەتىن ۇيلەستىرەدى؛

4) قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ قىزمەتىنە جەتەكشىلىك ەتەدى، قوعامدىق دامۋ سالاسىنداعى مەملەكەتتىك تالدامالىق قۇرىلىمداردىڭ جۇمىسىن ۇيلەستىرەدى؛

5) «تاۋەلسىزدىك ۇرپاقتارى» گرانتىن تاعايىنداۋ جونىندەگى جۇمىستى ۇيلەستىرەدى؛

6) قازاقستان رەسپۋبليكاسى پرەزيدەنتىنىڭ تاپسىرمالارىنا سايكەس وزگە دە وكىلەتتىكتەردى جۇزەگە اسىرادى.

5. وسى جارلىقتا بەلگىلەنگەن وكىلەتتىكتەردى ىسكە اسىرۋ ماقساتىندا مەملەكەتتىك كەڭەسشى:

1) وكىمدەر شىعارۋعا؛

2) ءوزىنىڭ قۇزىرەتىنە كىرەتىن ماسەلەلەر بويىنشا ورتالىق جانە جەرگىلىكتى اتقارۋشى ورگاندارعا تاپسىرمالار بەرۋگە؛

3) قازاقستان رەسپۋبليكاسى ۇكىمەتىنىڭ، مەملەكەت باسشىسىنىڭ جانىنداعى كونسۋلتاتيۆتىك-كەڭەسشى ورگانداردىڭ وتىرىستارىنا قاتىسۋعا؛

4) ءوزىنىڭ قۇزىرەتىنە كىرەتىن ماسەلەلەر بويىنشا مەملەكەتتىك ورگاندار مەن لاۋازىمدى ادامداردان قاجەتتى اقپاراتتى، قۇجاتتار مەن باسقا دا ماتەريالداردى سۇراتۋعا جانە الۋعا؛

5) ءوزىنىڭ قۇزىرەتىنە كىرەتىن ماسەلەلەر بويىنشا قازاقستان رەسپۋبليكاسىنىڭ پرەزيدەنتى اكتىلەرىنىڭ جوبالارىن ازىرلەۋ، سونداي-اق مەملەكەت باسشىسى العا قويعان وزگە دە مىندەتتەردى شەشۋ ءۇشىن ۆەدومستۆوارالىق جۇمىس توپتارىن قۇرۋعا قۇقىلى.

6. مەملەكەتتىك كەڭەسشىنىڭ قىزمەتىن ۇيىمدىق-قۇقىقتىق، اقپاراتتىق-تالدامالىق جانە وزگەدەي قامتاماسىز ەتۋدى قازاقستان رەسپۋبليكاسى پرەزيدەنتىنىڭ اكىمشىلىگى جۇزەگە اسىرادى.

7. قوسا بەرىلىپ وتىرعان قازاقستان رەسپۋبليكاسى پرەزيدەنتىنىڭ كەيبىر جارلىقتارىنا ەنگىزىلەتىن وزگەرىستەر بەكىتىلسىن.

8. قازاقستان رەسپۋبليكاسىنىڭ ۇكىمەتى، قازاقستان رەسپۋبليكاسى پرەزيدەنتىنىڭ اكىمشىلىگى، قازاقستان رەسپۋبليكاسى پرەزيدەنتىنىڭ ءىس باسقارماسى وسى جارلىقتان تۋىندايتىن شارالاردى بەلگىلەنگەن تارتىپپەن قابىلداسىن.

9. وسى جارلىققا قوسىمشاعا سايكەس قازاقستان رەسپۋبليكاسى پرەزيدەنتىنىڭ كەيبىر جارلىقتارىنىڭ كۇشى جويىلدى دەپ تانىلسىن.

10. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ق.توقايەۆ

نۇر-سۇلتان، اقوردا، 2022 جىلعى 14 ماۋسىم

№ 927

قازاقستان رەسپۋبليكاسى

پرەزيدەنتىنىڭ

2022 جىلعى 14 ماۋسىمداعى

№ 927 جارلىعىمەن

بەكىتىلگەن

قازاقستان رەسپۋبليكاسى پرەزيدەنتىنىڭ

كەيبىر جارلىقتارىنا ەنگىزىلەتىن

وزگەرىستەر

1. «قازاقستان رەسپۋبليكاسىنىڭ مەملەكەتتىك پروتوكولىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2006 جىلعى 12 قازانداعى № 201 جارلىعىندا: جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ مەملەكەتتىك پروتوكولىندا:

98-تارماق مىناداي رەداكسيادا جازىلسىن:

«98. سونداي-اق ۇلىقتاۋ راسىمىنە قازاقستان رەسپۋبليكاسىنىڭ پرەمەر-مينيسترى، قازاقستان رەسپۋبليكاسىنىڭ مەملەكەتتىك كەڭەسشىسى جانە پرەزيدەنت اكىمشىلىگىنىڭ باسشىسى، ۇكىمەت مۇشەلەرى، قازاقستان رەسپۋبليكاسىنىڭ وزگە دە ورتالىق مەملەكەتتىك ورگاندارىنىڭ باسشىلارى، وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اكىمدەرى، شەت مەملەكەتتەر مەن ۇكىمەتتەردىڭ باسشىلارى، قازاقستاندا اككرەديتتەلگەن ديپلوماتيالىق كورپۋستىڭ وكىلدەرى، قازاقستاندىق جانە حالىقارالىق جۇرتشىلىقتىڭ، وتاندىق جانە شەتەلدىك باق-تىڭ وكىلدەرى قاتىسۋعا قۇقىلى.»؛

15-تاراۋدىڭ تاقىرىبىنداعى «حاتشىلارىنىڭ» دەگەن ءسوز «كەڭەسشىلەرىنىڭ» دەگەن سوزبەن اۋىستىرىلسىن؛

15-تاراۋدىڭ 2-پاراگرافىنىڭ تاقىرىبىنداعى «حاتشىلارىنىڭ» دەگەن ءسوز «كەڭەسشىلەرىنىڭ» دەگەن سوزبەن اۋىستىرىلسىن؛

156، 157 جانە 159-تارماقتار مىناداي رەداكسيادا جازىلسىن:

«156. مەملەكەتتىك كەڭەسشىلەردىڭ قاتىسۋىمەن وتەتىن حاتتامالىق ءىس-شارالار شەت مەملەكەتتىڭ مەملەكەتتىك قۇرىلىسىنداعى مەملەكەتتىك كەڭەسشىنىڭ مارتەبەسىنە بايلانىستى وتكىزىلەدى. 157. قازاقستان رەسپۋبليكاسى مەملەكەتتىك كەڭەسشىسىنىڭ شاقىرۋى بويىنشا كەلەتىن شەت مەملەكەتتەر مەملەكەتتىك كەڭەسشىلەرىنىڭ ساپارلارى قازاقستان رەسپۋبليكاسى مەملەكەتتىك كەڭەسشىسىنىڭ حاتشىلىعىندا بەكىتىلگەن باعدارلاما نەگىزىندە جۇزەگە اسىرىلادى.»؛

«159. ساپاردىڭ ءىس-شارالارىنا قاتىساتىن قازاقستان رەسپۋبليكاسىنىڭ رەسمي تۇلعالارىنىڭ قۇرامىن سىرتقى ىستەر مينيسترلىگىنىڭ ۇسىنىسى بويىنشا قازاقستان رەسپۋبليكاسى مەملەكەتتىك كەڭەسشىسىنىڭ حاتشىلىعى ايقىندايدى.»؛

16-تاراۋدىڭ تاقىرىبىنداعى «حاتشىسىنىڭ» دەگەن ءسوز «كەڭەسشىنىڭ» دەگەن سوزبەن اۋىستىرىلسىن؛

178، 204، 207، 208 جانە 209-تارماقتار مىناداي رەداكسيادا جازىلسىن:

«178. قازاقستان رەسپۋبليكاسىنىڭ مەملەكەتتىك كەڭەسشىسى شەت ەلگە/شەت ەلدەن شىققان (كەلگەن) كەزدە اۋەجايدا شىعارىپ سالۋعا (قارسى الۋعا) قازاقستان رەسپۋبليكاسىنىڭ مەملەكەتتىك كەڭەسشىسى حاتشىلىعىنىڭ ءتيىستى قىزمەتكەرى قاتىسادى.

ساپار باعدارلاماسى سىرتقى ىستەر مينيسترلىگىمەن بىرلەسىپ جاسالادى.

قازاقستان رەسپۋبليكاسى مەملەكەتتىك كەڭەسشىسىنىڭ ەل ىشىندەگى جۇمىس ساپارلارى كەزىندە نۇر-سۇلتان قالاسىندا جانە جەرگىلىكتى جەرلەردە شىعارىپ سالۋ (قارسى الۋ)، بولۋ باعدارلاماسىن جاساۋ سياقتى ءبىرقاتار پروتوكولدىق ءىس-شارالاردى جۇرگىزۋ جانە قامتاماسىز ەتۋ كوزدەلەدى.

قازاقستان رەسپۋبليكاسىنىڭ مەملەكەتتىك كەڭەسشىسى جۇمىس ساپارلارىنا (جۇمىس ساپارلارىنان) شىققان (كەلگەن) كەزدە اۋەجايدا شىعارىپ سالۋعا (قارسى الۋعا) قازاقستان رەسپۋبليكاسىنىڭ مەملەكەتتىك كەڭەسشىسى حاتشىلىعىنىڭ ءتيىستى قىزمەتكەرى قاتىسادى. جەرگىلىكتى جەرلەردە وبلىس اكىمى جانە وبلىستىق ماڭىزى بار قالا اكىمى قارسى الادى (شىعارىپ سالادى).

قازاقستان رەسپۋبليكاسىنىڭ مەملەكەتتىك كەڭەسشىسى قاتىساتىن ءىس-شارالاردى، ونىڭ ىشىندە شەت مەملەكەتتەر وكىلدەرىمەن جۇمىس بابىنداعى كەزدەسۋلەر مەن اڭگىمەلەسۋلەردى قازاقستان رەسپۋبليكاسى مەملەكەتتىك كەڭەسشىسىنىڭ حاتشىلىعى بەلگىلەنگەن تارتىپپەن جوسپارلايدى، كەلىسەدى جانە قامتاماسىز ەتەدى.»؛

«204. قازاقستان رەسپۋبليكاسىنىڭ مەملەكەتتىك كەڭەسشىسىنە سەنىم گراموتالارىن تاپسىرۋ كەزىندە شەت مەملەكەتتەردىڭ قازاقستان رەسپۋبليكاسىندا قوسا اتقارۋشى بولىپ اككرەديتتەلگەن ەلشىلەرى سىرتقى ىستەر مينيسترلىگىنىڭ مەملەكەتتىك پروتوكول قىزمەتىنىڭ قىزمەتكەرلەرىمەن بىرگە اگرەمان بەرىلگەن كۇنىنە سايكەس كەزەكپەن پرەزيدەنت سارايىنىڭ ورتالىق كىرەبەرىسىنە كەلەدى.»؛

«207. مەملەكەتتىك كەڭەسشى «ورنەكتى حولعا» كىرەدى جانە ورتاعا كەلىپ توقتايدى. شەت مەملەكەتتىڭ ەلشىسى زالدىڭ ورتاسىنا بەت الادى جانە مەملەكەتتىك كەڭەسشىنىڭ قارسى الدىنا كەلىپ توقتايدى، قىسقاشا سالەمدەسەدى جانە سەنىم گراموتالارىن تاپسىرادى. قول الىسادى جانە سۋرەتكە تۇسەدى.»؛

«208. سەنىم گراموتالارىن تاپسىرعاننان كەيىن مەملەكەتتىك كەڭەسشى مەن شەت مەملەكەتتىڭ ەلشىسى قىسقاشا انگىمەلەسۋ ءۇشىن قوناقتار بولمەسىنە وتەدى.

209. راسىمگە سىرتقى ىستەر ءمينيسترىنىڭ ورىنباسارى جانە قازاقستان رەسپۋبليكاسىنىڭ مەملەكەتتىك كەڭەسشىسى حاتشىلىعىنىڭ ءتيىستى قىزمەتكەرى قاتىسادى.»؛

اتالعان جارلىقپەن بەكىتىلگەن قازاقستان رەسپۋبليكاسىنىڭ مەملەكەتتىك پروتوكولىنا 1-قوسىمشادا:

5-تارماق مىناداي رەداكسيادا جازىلسىن:

«5. مەملەكەتتىك كەڭەسشى»؛

اتالعان جارلىقپەن بەكىتىلگەن قازاقستان رەسپۋبليكاسىنىڭ مەملەكەتتىك پروتوكولىنا 2-قوسىمشادا: 5-تارماق مىناداي رەداكسيادا جازىلسىن:

«5. مەملەكەتتىك كەڭەسشى».

2. «قازاقستان رەسپۋبليكاسى پرەزيدەنتى اكىمشىلىگىنىڭ شتات سانى مەن قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 2008 جىلعى 11 اقپانداعى № 533 جارلىعىندا:

جوعارىدا اتالعان جارلىقپەن بەكىتىلگەن قازاقستان رەسپۋبليكاسى پرەزيدەنتى اكىمشىلىگىنىڭ قۇرىلىمىندا:

«مەملەكەتتىك حاتشىنىڭ حاتشىلىعى» دەگەن جول مىناداي رەداكسيادا جازىلسىن:

«مەملەكەتتىك كەڭەسشىنىڭ حاتشىلىعى».

3. «قازاقستان رەسپۋبليكاسى پرەزيدەنتىنىڭ اكىمشىلىگى تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2008 جىلعى 11 ناۋرىزداعى

№ 552 جارلىعىندا: جوعارىدا اتالعان جارلىقپەن بەكىتىلگەن قازاقستان رەسپۋبليكاسى پرەزيدەنتىنىڭ اكىمشىلىگى تۋرالى ەرەجەدە:

9-تارماقتىڭ 2) تارماقشاسى مىناداي رەداكسيادا جازىلسىن:

«2) قازاقستان رەسپۋبليكاسى مەملەكەتتىك كەڭەسشىسىنىڭ (بۇدان ءارى – مەملەكەتتىك كەڭەسشى)، قازاقستان حالقى اسسامبلەياسىنىڭ جانە پرەزيدەنت جانىنداعى كونسۋلتاتيۆتىك-كەڭەسشى ورگانداردىڭ قىزمەتىن قامتاماسىز ەتۋ؛»؛

22-تارماقتا: 8) جانە 15) تارماقشالارداعى «حاتشىنىڭ» دەگەن ءسوز «كەڭەسشىنىڭ» دەگەن سوزبەن اۋىستىرىلسىن.

4. «قازاقستان رەسپۋبليكاسى پرەزيدەنتىنىڭ جولداۋىن دايىنداۋ جانە ىسكە اسىرۋ، اكتىلەرىمەن جانە تاپسىرمالارىمەن جۇمىس ىستەۋ جانە ولاردىڭ ورىندالۋىن باقىلاۋدى جۇزەگە اسىرۋ، نورماتيۆتىك قۇقىقتىق جارلىقتارعا مونيتورينگ جۇرگىزۋ قاعيدالارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 27 ساۋىردەگى № 976 جارلىعىندا:

جوعارىدا اتالعان جارلىقپەن بەكىتىلگەن قازاقستان رەسپۋبليكاسى پرەزيدەنتىنىڭ جولداۋىن دايىنداۋ جانە ىسكە اسىرۋ، اكتىلەرىمەن جانە تاپسىرمالارىمەن جۇمىس ىستەۋ جانە ولاردىڭ ورىندالۋىن باقىلاۋدى جۇزەگە اسىرۋ، نورماتيۆتىك قۇقىقتىق جارلىقتارعا مونيتورينگ جۇرگىزۋ قاعيدالارىندا:

24-تارماقتىڭ بەسىنشى بولىگى مىناداي رەداكسيادا جازىلسىن:

«قاجەت بولعان كەزدە پرەزيدەنت اكتىسىنىڭ جوباسىنا قازاقستان رەسپۋبليكاسىنىڭ مەملەكەتتىك كەڭەسشىسى، پرەزيدەنتتىڭ كەڭەسشىسى ەلەكتروندىق تۇردە ۆيزا قويادى.»؛ 71 جانە 78-تارماقتار مىناداي رەداكسيادا جازىلسىن:

«71. وسى قاعيدالاردىڭ 42-تارماعىنىڭ 5) تارماقشاسىندا كورسەتىلگەن قىزمەتتىك جانە وزگە دە قۇجاتتار بويىنشا پرەزيدەنتتىڭ قازاقستان رەسپۋبليكاسىنىڭ مەملەكەتتىك كەڭەسشىسىنە جەكە بەرىلگەن جانە پرەزيدەنتتى جەكە حاباردار ەتۋدى تالاپ ەتپەيتىن تاپسىرمالارىنىڭ ورىندالۋ مەرزىمدەرىن ۇزارتۋ، ورتا مەرزىمدى جانە ۇزاق مەرزىمدى باقىلاۋعا اۋىستىرۋ، جاڭا ورىنداۋ مەرزىمىن بەلگىلەۋ قازاقستان رەسپۋبليكاسى مەملەكەتتىك كەڭەسشىسىنىڭ شەشىمىمەن جۇزەگە اسىرىلۋى مۇمكىن.»؛

«78. وسى قاعيدالاردىڭ 42-تارماعىنىڭ 5) تارماقشاسىندا كورسەتىلگەن قىزمەتتىك جانە وزگە دە قۇجاتتار بويىنشا پرەزيدەنتتىڭ قازاقستان رەسپۋبليكاسىنىڭ مەملەكەتتىك كەڭەسشىسىنە جەكە بەرىلگەن جانە پرەزيدەنتتى جەكە حاباردار ەتۋدى تالاپ ەتپەيتىن تاپسىرمالارىن باقىلاۋدان الۋ قازاقستان رەسپۋبليكاسى مەملەكەتتىك كەڭەسشىسىنىڭ شەشىمىمەن جۇزەگە اسىرىلۋى مۇمكىن.».

5. «مەملەكەتتىك ساياسي جانە اكىمشىلىك قىزمەتشىلەر لاۋازىمدارىنىڭ ءتىزىلىمىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2015 جىلعى 29 جەلتوقسانداعى № 150 جارلىعىندا:

جوعارىدا اتالعان جارلىقپەن بەكىتىلگەن مەملەكەتتىك ساياسي جانە اكىمشىلىك قىزمەتشىلەر لاۋازىمدارىنىڭ تىزىلىمىندە: «1-تاراۋ. مەملەكەتتىك ساياسي لاۋازىمدار» دەگەن تاراۋدا: «قازاقستان رەسپۋبليكاسىنىڭ مەملەكەتتىك حاتشىسى» دەگەن جول مىناداي رەداكسيادا جازىلسىن: «قازاقستان رەسپۋبليكاسىنىڭ مەملەكەتتىك كەڭەسشىسى».

6. «مەملەكەتتىك ساياسي قىزمەتشىلەردىڭ جۇمىسىن باعالاۋدى جۇرگىزەتىن ۋاكىلەتتى ادامداردىڭ تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2016 جىلعى 4 شىلدەدەگى № 295 جارلىعىندا:

جوعارىدا اتالعان جارلىقپەن بەكىتىلگەن مەملەكەتتىك ساياسي قىزمەتشىلەردىڭ جۇمىسىن باعالاۋدى جۇرگىزەتىن ۋاكىلەتتى ادامداردىڭ تىزبەسىندە: مىنا جول: « قازاقستان رەسپۋبليكاسىنىڭ مەملەكەتتىك حاتشىسى قازاقستان رەسپۋبليكاسىنىڭ پرەزيدەنتى » مىناداي رەداكسيادا جازىلسىن: « قازاقستان رەسپۋبليكاسىنىڭ مەملەكەتتىك كەڭەسشىسى قازاقستان رەسپۋبليكاسىنىڭ پرەزيدەنتى».

قازاقستان رەسپۋبليكاسى پرەزيدەنتىنىڭ 2022 جىلعى 14 ماۋسىمداعى № 927 جارلىعىنا

قوسىمشا قازاقستان رەسپۋبليكاسى پرەزيدەنتىنىڭ

كۇشى جويىلعان كەيبىر جارلىقتارىنىڭ

تىزبەسى

1. «قازاقستان رەسپۋبليكاسى مەملەكەتتىك حاتشىسىنىڭ مارتەبەسى مەن وكىلەتتىكتەرى تۋرالى» قازاقستان رەسپۋبليكاسى پرەزيدەنتىنىڭ 2007 جىلعى 13 تامىزداعى № 379 جارلىعى.

2. «قازاقستان رەسپۋبليكاسى پرەزيدەنتىنىڭ كەيبىر اكتىلەرىنە وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2014 جىلعى 18 ساۋىردەگى № 806 جارلىعىنىڭ 1-تارماعىنىڭ 2) تارماقشاسى.

3. قازاقستان رەسپۋبليكاسى پرەزيدەنتىنىڭ 2014 جىلعى 18 قاراشاداعى № 960 جارلىعىمەن بەكىتىلگەن قازاقستان رەسپۋبليكاسى پرەزيدەنتىنىڭ كەيبىر اكتىلەرىنە ەنگىزىلەتىن وزگەرىستەردىڭ 3-تارماعى.

4. قازاقستان رەسپۋبليكاسى پرەزيدەنتىنىڭ 2017 جىلعى 5 مامىرداعى № 471 جارلىعىمەن بەكىتىلگەن قازاقستان رەسپۋبليكاسى پرەزيدەنتىنىڭ كەيبىر اكتىلەرىنە ەنگىزىلەتىن وزگەرىستەر مەن تولىقتىرۋلاردىڭ 1-تارماعى.

5. «قازاقستان رەسپۋبليكاسى مەملەكەتتىك حاتشىسىنىڭ مارتەبەسى مەن وكىلەتتىكتەرى تۋرالى» قازاقستان رەسپۋبليكاسى پرەزيدەنتىنىڭ 2007 جىلعى 13 تامىزداعى № 379 جارلىعىنا وزگەرىس پەن تولىقتىرۋ ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2019 جىلعى 13 ساۋىردەگى № 23 جارلىعى.

6. «قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىستەر ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2019 جىلعى 12 قازانداعى № 187 جارلىعى.

7. «قازاقستان رەسپۋبليكاسى مەملەكەتتىك حاتشىسىنىڭ مارتەبەسى مەن وكىلەتتىكتەرى تۋرالى» قازاقستان رەسپۋبليكاسى پرەزيدەنتىنىڭ 2007 جىلعى 13 تامىزداعى № 379 جارلىعىنا وزگەرىس ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 25 قاڭتارداعى № 787 جارلىعى.