ەرلان قارين ق ر مەملەكەتتىك كەڭەسشىسى لاۋازىمىنا تاعايىندالدى

ەرلان قارين قازاقستان رەسپۋبليكاسىنىڭ مەملەكەتتىك كەڭەسشىسى لاۋازىمىنا تاعايىندالدى، دەپ حابارلايدى Almaty-akshamy.kz  اقوردا رەسمي سايتىنا سىلتەمە جاساپ.
«قازاقستان رەسپۋبليكاسى كونستيتۋسياسىنىڭ 44-بابىنىڭ 19) تارماقشاسىنا سايكەس ەرلان تىنىمباي ۇلى قارين قازاقستان رەسپۋبليكاسىنىڭ مەملەكەتتىك كەڭەسشىسى لاۋازىمىنا تاعايىندالسىن»، - دەلىنگەن ق ر پرەزيدەنتىنىڭ جارلىعى ماتىنىندە. 
ەرلان قارين1976 جىلى وڭتۇستىك قازاقستان وبلىسى، سايرام اۋدانى، اقسۋ اۋىلىندا تۋعان. 
1997 جىلى ك. جۇبانوۆ اتىنداعى اقتوبە مەملەكەتتىك ۋنيۆەرسيتەتىن، 
1999 جىلى ءال-فارابي اتىنداعى قازاق مەملەكەتتىك ۋنيۆەرسيتەتىن اسپيرانتۋراسىن بىتىرگەن. ساياسي عىلىمدارىنىڭ كانديداتى. 
1997-1998 جىلدارى – اقتوبە قالاسىنىڭ №33 مەكتەبىندە گەوگرافيا جانە تاريح پاندەرىنىڭ ءمۇعالىمى. 
1998-2000 جىلدارى – قازاقستان دامۋ ينستيتۋتىندا ساياسي زەرتتەۋلەر ورتالىعىنىڭ قىزمەتكەرى، جۇڭگو جانە رەسەي ينستيتۋتى ديرەكتورىنىڭ ورىنباسارى. 
2000-2002 جىلدارى – ورتالىق ازيا ساياسي زەرتتەۋلەر اگەنتتىگىنىڭ ديرەكتورى. 
2002-2003 جىلدارى – قازاقستان رەسپۋبليكاسىنىڭ پرەمەر-مينيسترىنىڭ شتاتتان تىس كەڭەسشىسى. 
2003-2004 جىلدارى – رەسپۋبليكالىق «اسار» پارتياسى ءتوراعاسىنىڭ ءبىرىنشى ورىنباسارى، زاماناۋي ساياسات حالىقارالىق ينستيتۋتىنىڭ باس ديرەكتورى. 2004-2006 جىلدارى – انتيتەرروريستىك باعدارلامالار ورتالىعىنىڭ باسشىسى. 
2006-2008 جىلدارى – ماڭعىستاۋ وبلىسى اكىمىنىڭ ساياسي ماسەلەلەر جونىندەگى كەڭەسشىسى. 
2008 جىلعى اقپان-قاراشا – قازاقستان رەسپۋبليكاسى پرەزيدەنتىنىڭ اكىمشىلىگى ىشكى ساياسات ءبولىمىنىڭ مەڭگەرۋشىسى. 
2008-2013 جىلدارى – «نۇر وتان» حدپ-نىڭ ستراتەگيالىق دامۋ بويىنشا حاتشىسى. 
2013-2014 جىلدارى – ۆاشينگتون ۋنيۆەرسيتەتىنىڭ (اقش) ارنايى شاقىرىلعان پروفەسسورى. 
2014-2017 جىلدارى – قازاقستان رەسپۋبليكاسى پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى. 
2017-2019 جىلدارى – «قازاقستان» رەسپۋبليكالىق تەلەراديوكورپوراسيا» اكسيونەرلىك قوعامىنىڭ باسقارما ءتوراعاسى. 
2019 ج. ءساۋىر - 2020 ج. شىلدە ارالىعىندا قازاقستان رەسپۋبليكاسى پرەزيدەنتىنىڭ كەڭەسشىسى. 
2020 ج. شىلدە - 2022 ج. قاڭتار قازاقستان رەسپۋبليكاسى پرەزيدەنتىنىڭ كومەكشىسى. 
2022 جىلعى 5 قاڭتارداعى مەملەكەت باسشىسىنىڭ جارلىعىمەن قازاقستان رەسپۋبليكاسىنىڭ مەملەكەتتىك حاتشىسى لاۋازىمىنا تاعايىندالدى.