بۇل تۋرالى مەملەكەت باسشىسى حالىقارالىق شاحمات فەدەراسياسىنىڭ پرەزيدەنتى اركاديي دۆوركوۆيچتى قابىلداۋ كەزىندە ايتتى.
پرەزيدەنتتىڭ سوزىنشە، ەلدەگى 7 مىڭ شاحمات سەكسياسىن ەكى ەسە كوبەيتۋ كەرەك. ءقازىر ەل بويىنشا شاحماتپەن 200 مىڭنان اسا ادام اينالىسادى، دەپ حابارلايدى Almaty-akshamy.kz.
- بۇل سپورتتى قولداۋعا باسا ءمان بەرەمىز، - دەدى قاسىم-جومارت توقايەۆ. اركاديي دۆوركوۆيچ مەملەكەت باسشىسىنا استانادا گران-پري ايەلدەر سەرياسىنىڭ ءبىرىنشى كەزەڭىنىڭ وتكىزىلۋى تۋرالى مالىمەت بەردى. سونداي-اق فەدەراسيا شاحماتتى مەكتەپ باعدارلاماسىنا ەنگىزۋ جونىندەگى تاجىريبەسىن بولىسۋگە دايىن ەكەنىن جەتكىزدى.