مۇنداي اقپاردى الماتى قالالىق موبيلدىلىك باسقارماسى حابارلادى.
«ساين كوشەسى مەن موڭكە بي كوشەسىنىڭ قيىلىسىنداعى كولىك جول ايرىعى قۇرىلىسى» نىسانى بويىنشا قۇرىلىس-مونتاجداۋ جۇمىستارىنىڭ جۇرگىزىلۋىنە بايلانىستى موڭكە بي كوشەسىنىڭ كولىك قوزعالىسىنىڭ سۇلباسىنا كەلەسى وزگەرىستەر ەنگىزىلەدى، دەپ حابارلايدى Almaty-akshamy.kz.
1. 2022 جىلعى 1 قازان ساعات 22-00-دەن 2023 جىلعى 1 ماۋسىمعا دەيىن موڭكە بي كوشەسىنىڭ بويىمەن اينالما جولدان مامبەتوۆ كوشەسىنە دەيىن كولىك قوزعالىسى توقتاتىلادى.
2. كولىك قوزعالىسى سولتۇستىك جانە شىعىس باعىتتاردا اقىن سارا جانە مومىش ۇلى كوشەلەرى، اينالما جول ارقىلى جۇزەگە اسىرىلادى.
3. ىرگەلەس كوشەلەرمەن كولىك قوزعالىسى وزگەرىسسىز جۇرگىزىلەدى.
«اتالعان جۇمىستار جول-قۇرىلىس جۇمىستارى اياسىندا جوسپارلانعان. كەلتىرىلگەن قولايسىزدىقتار ءۇشىن كەشىرىم وتىنەمىز جانە جول ءجۇرۋ باعىتتارىڭىزدى الدىن الا جوسپارلاۋلارىڭىزدى سۇرايمىز»، - دەلىنگەن باسقارمانىڭ حابارلاماسىندا.