وسى ارقىلى 10 مىڭعا جۋىق ءوتىنىم قارالدى.
مۇگەدەكتىك توبىن بەلگىلەۋ ءۇشىن مەديسينالىق-الەۋمەتتىك ساراپتاما جۇرگىزۋدىڭ سىرتتاي فورماتى بويىنشا پيلوتتىق جوبانى ىسكە اسىرۋ شەڭبەرىندە اعىمداعى جىلعى 11 ناۋرىزداعى جاعداي بويىنشا، قازاقستاننىڭ بارلىق وڭىرلەرىنەن 9 609 ءوتىنىم قارالدى. قازىرگى ۋاقىتتا جوباعا 487 مەديسينالىق ۇيىم قوسىلعان، دەپ حابارلايدى Almaty-akshamy.kz.
«بۇعان دەيىن حابارلانعانداي، ۇلتتىق قوعامدىق سەنىم كەڭەسىنىڭ VI وتىرىسىندا مەملەكەت باسشىسى ەرەكشە قاجەتتىلىكتەرى بار ادامدار ءۇشىن بارىنشا قولايلى جاعداي جاساۋدى، ولاردىڭ ينستانسيالار مەن قاعازباستىلىق بويىنشا ءجۇرۋىن، سونداي-اق قىزمەت كورسەتۋشىلەردىڭ قىزمەت الۋشىلارمەن بايلانىسىن بولدىرماۋدى تاپسىردى»،- دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
وسى تاپسىرمانى ىسكە اسىرۋ شەڭبەرىندە ق ر ەڭبەك جانە حالىقتى الەۋمەتتىك قورعاۋ مينيسترلىگى دەنساۋلىق ساقتاۋ مەن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرىمەن بىرلەسىپ، قازاقستاننىڭ بارلىق 17 وڭىرىندە پيلوتتىق رەجيمدە مەديسينالىق-الەۋمەتتىك ساراپتاما جۇرگىزۋدىڭ سىرتتاي فورماتى بويىنشا جوبانى ىسكە قوستى.
مۇگەدەكتىك توبىن بەلگىلەۋ بويىنشا قىزمەت الۋ ءۇشىن ءوتىنىش بەرۋشى تەك تۇرعىلىقتى جەرى بويىنشا ەمحاناعا بارىپ، قاجەتتى تەكسەرۋدەن ءوتۋى كەرەك، ال قالعان پروسەستەر اقپاراتتىق جۇيەلەردى ينتەگراسيالاۋ ەسەبىنەن ونىڭ قاتىسۋىنسىز وتەدى.
«بۇرىن دەنساۋلىعىنان ايىرىلعان ازاماتتارعا مۇگەدەكتىكتى بەلگىلەۋ جانە تەحنيكالىق قۇرالدار مەن وڭالتۋ قىزمەتتەرىن الۋ ءۇشىن ءارتۇرلى ينستانسيالارعا جۇگىنۋگە تۋرا كەلەتىن. ماسەلەن، الدىمەن تەكسەرىلۋ ءۇشىن ەمحاناعا، سودان كەيىن مۇگەدەكتىكتى انىقتاۋ ءۇشىن مەديسينالىق-الەۋمەتتىك ساراپتاما بولىمىنە، سودان سوڭ مۇگەدەكتىك بەلگىلەنگەننەن كەيىن جاردەماقى تاعايىنداۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-تا جانە وتق مەن وڭالتۋ قىزمەتتەرىن الۋ ءۇشىن اكىمدىككە جۇگىنۋگە ءماجبۇر بولاتىن. سودان كەيىن كەيدە بىرنەشە ايعا سوزىلعان مەملەكەتتىك ساتىپ الۋ راسىمدەرى وتكىزىلەدى. وسىلايشا، ازاماتتار تەحنيكالىق قۇرالدار مەن قىزمەتتەردى ۋاقتىلى الا المادى، سونداي-اق ولاردىڭ ساپاسىنا ءاردايىم قاناعاتتانبادى.
ەندى پيلوتتىق جوبانى ىسكە اسىرۋ شەڭبەرىندە ءوتىنىش بەرۋشى تەك تۇرعىلىقتى جەرى بويىنشا ەمحاناعا جۇگىنەدى، ال مەديسينالىق-الەۋمەتتىك ساراپتاما ەمحاناداعى دارىگەرلەردىڭ قورىتىندىسى نەگىزىندە ونىڭ قاتىسۋىنسىز قاشىقتىقتان جۇرگىزىلەدى. جاردەماقى مۇگەدەكتىك توبى بەلگىلەنگەننەن كەيىن اۆتوماتتى تۇردە تاعايىندالادى. وتق جانە وڭالتۋ قىزمەتتەرى 2021 جىلدان باستاپ الەۋمەتتىك قىزمەتتەر پورتالى ارقىلى ءوز بەتىنشە تاڭداي الادى جانە تاپسىرىس بەرە الادى، ال مەملەكەت ولاردىڭ قۇنىن وتەيدى. پورتالدىڭ ارقاسىندا كەزەكتىلىك پروسەستەرى ايقىن بولدى، كەيبىر جاعدايلاردا تاۋارلار مەن قىزمەتتەردى ۇسىنۋ مەرزىمى جارتى جىلدان 2 اپتاعا دەيىن قىسقاردى»، – دەپ اتاپ ءوتتى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ.