1 شارشى مەتردىڭ قۇنى بىردەن 5،5% وسكەن.
قازاقستاندا ەكىنشى نارىقتاعى تۇرعىن ءۇي باعاسى رەكوردتىق دەڭگەيدە قىمباتتادى. بۇعان ۇلتتىق ستاتيستيكا بيۋروسىنىڭ مالىمەتتەرى دالەل، دەپ حابارلايدى Almaty-akshamy «حابار 24» تەلەارناسىنا سىلتەمە جاساپ.
بيۋرو مالىمەتتەرىنە سەنسەك، ەل بويىنشا 1 شارشى مەتردىڭ قۇنى بىردەن 5،5 پايىزعا وسكەن. بۇل – سوڭعى 8 جىلداعى ەڭ جوعارى كورسەتكىش. سونىمەن قاتار، جاڭا عيماراتتارداعى شارشى مەتردىڭ قۇنى 0،4 پايىزعا قىمباتتاعان.
قالالار بويىنشا جەكە توقتالار بولساق، نۇر-سۇلتاندا جىلجىمايتىن مۇلىك باعاسى 10 پايىزعا وسكەن. مۇندا شارشى مەتردىڭ ورتاشا باعاسى – 590 مىڭ تەڭگە. الماتىدا پاتەرلەر شامامەن 3 پايىزعا قىمباتتاعان. ال اتىراۋ مەن تالدىقورعان قالالارىندا باعا ديناميكاسى وزگەرە قويماعان.
ءبىرىنشى نەسيە بيۋروسىنىڭ ساراپشىلارى بۇل بيىلعى 20 اقپانداعى دەرەكتەر ەكەندىگىن ەسكەرتەدى. قازىرگى ۋاقىتتا رەسەي مەن ۋكراينا اراسىنداعى قاقتىعىستار مەن دوللار باعامىنىڭ ءوسۋى بۇل دەرەكتەردە ءالى كورىنىس تاپقان جوق.