"قازگيدرومەت" استانا، الماتى جانە ەلدىڭ باسقا دا قالالارىنداعى تۇرعىندارعا ەسكەرتۋ جاسادى، دەپ حابارلايدى aqshamnews.kz
2025 جىلعى 20 اقپاندا قولايسىز مەتەورولوگيالىق جاعدايلارعا بايلانىستى اۋا ساپاسىنىڭ ناشارلاۋى پاۆلودار، قاراعاندى، تەمىرتاۋ، وسكەمەن، سەمەي، ريددەر، اقتوبە، الماتى جانە استانا قالالارىندا كۇتىلەدى، - دەلىنگەن حابارلامادا.
قولايسىز مەتەورولوگيالىق جاعدايلار – بۇل جەلدىڭ بولماۋى، ءالسىز جەل، تۇمان، ينۆەرسيا سياقتى قىسقا مەرزىمدى تابيعي فاكتورلاردىڭ جيىنتىعى. ولار جەر بەتىندەگى اۋا قاباتىندا زياندى زاتتاردىڭ جينالۋىنا ىقپال ەتەدى.
بۇعان دەيىن سينوپتيكتەر كوكتەمگى اۋا رايى بولجامىن ۇسىنعان ەدى. ولاردىڭ مالىمەتىنشە، الداعى ماۋسىم ورتاشا نورمادان 1-2 گرادۋسقا جىلىراق بولادى، ءبىراق تەمپەراتۋرانىڭ كۇرت وزگەرۋى بايقالادى.