ءقاۋىپ قىستا، اسىرەسە، اۋا تەمپەراتۋراسى تومەندەگەن كەزدە ارتادى.
وڭىرلىك كوممۋنيكاسيالار قىزمەتىنىڭ الاڭىندا جەرگىلىكتى اتقارۋشى ورگاندار مەن قۇتقارۋشىلاردىڭ قاتىسۋىمەن بريفينگ ءوتتى،دەپ حابارلايدى Almaty-akshamy.kz
الماتى قالاسىندا 35 مىڭنان استام تۇرمىستىق گاز باللوندارى پايدالانىلادى. ءقاۋىپ قىستا، اسىرەسە، اۋا تەمپەراتۋراسى تومەندەگەن كەزدە ارتادى.
الماتى قالاسى كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى نۇربول قاجين تۇرمىستىق جانە كوممۋنالدى-تۇرمىستىق تۇتىنۋشىلار ءۇشىن گاز جابدىقتارىن ءقاۋىپسىز پايدالانۋدى باقىلاۋ قالاي جۇزەگە اسىرىلىپ جاتقانىن ايتتى.
ونىڭ ايتۋىنشا، الماتىلىقتار گازدىڭ ەكى ءتۇرىن پايدالانادى: سۇيىتىلعان جانە تابيعي.
سونىمەن، سۇيىتىلعان مۇناي گازىن نەمەسە «پروپاندى» «اليانس-گاز» جانە «LT Gas» ج ش س جەتكىزەدى. تابيعي گاز تاراتۋدى («مەتاندى» گاز قۇبىرلارى ارقىلى جەتكىزەدى) ءۇش گاز تاراتۋشى ۇيىم جۇزەگە اسىرادى: «قازترانسگاز ايماق» الپفاو (8 ءوڭىر)؛ «تاۋەكەل-ن-العاباس» ج ش س (الاتاۋ، ناۋرىزباي) جانە «ستروي سەرۆيس حولدينگ» (بوستاندىق، مەدەۋ).
«جىل باسىنان بەرى توتەنشە جاعدايلار دەپارتامەنتى، پوليسيا دەپارتامەنتىنىڭ جەرگىلىكتى پوليسيا قىزمەتى دەپارتامەنتى، سونداي-اق الماتى قالاسى ونەركاسىپتىك قاۋىپسىزدىك دەپارتامەنتىمەن بىرلەسە وتىرىپ، وندىرىستىك قاۋىپسىزدىكتى قامتاماسىز ەتۋ بويىنشا گاز جابدىقتارىن، قازاندىقتاردى، باللونداردى جانە قىسىممەن جۇمىس ىستەيتىن ىدىستاردى ءقاۋىپسىز پايدالانۋ شارالارىن ناسيحاتتاۋ ايلىعى وتكىزىلدى. وسى ءىس-شارالار اياسىندا ءۇي-جايلاردى ارالاپ شىعۋ ۇيىمداستىرىلىپ، ءاقپاراتتىق-تۇسىندىرۋ جۇمىستارى جۇرگىزىلىپ، گاز جابدىقتارىن ءقاۋىپسىز پايدالانۋ بويىنشا اقپاراتتىق پاراقشالار تاراتىلدى»، - دەدى ن.قاجين.
تەكسەرۋلەر بارىسىندا كەلەسى نىساندار قامتىلدى:
58-دەن استام ساۋدا بازارلارى (الاتاۋ-1، بايسات، ءۇش قوڭىر، كەنجەحان، كەرەمەت، سالەم، تاۋ-سامال، بارلىق، التاي، تۇركسىب، جەتىسۋ، شولوحوۆتاعى ساپار، اينابۇلاق، كوك بازار، ۆەرنىي، ت.ب.).
56-دان استام ساۋدا ورتالىقتارى (موسكۆا، گلوبۋس، اتريۋم، سيتي سەنتر، مەگا پارك، ماكسيما، مەرەي، اتاكەنت جانە ت.ب.)
535-كە جۋىق قوعامدىق تاماقتاندىرۋ نىسانى (10-نان 100 ورىنعا دەيىن)، ونىڭ ىشىندە 235 نىساندا گاز باللوندارىن تالاپتاردى بۇزا وتىرىپ پايدالانۋ فاكتىلەرى انىقتالدى.
نۇربول ءقاجيننىڭ ايتۋىنشا، سوڭعى جىلدارى مەگاپوليستەگى مەيرامحانا بيزنەسىنىڭ يەلەرى اشىق الاڭداردى، تەرراسسالاردى، جازعى ۆەراندالاردى، كوشە كافەلەرىن جانە ت.ب. جەرگىلىكتى جىلىتۋعا ارنالعان سىرتقى ينفراقىزىل گاز جىلىتقىشتارىن (ءۇش اياقتى، پيراميدا) پايدالاناتىن بولعان.
«الايدا، ولاردىڭ كوپشىلىگى بۇل جابدىقتاردى باسقا ماقساتتا پايدالانادى، ياعني جابىق بولمەگە اكەلەدى، ۇزاق ۋاقىت پايدالانعاندا جاناتىن ازىق-تۇلىك ونىمدەرىمەن ۋلانۋ ءقاۋپى بار، كوپقاباتتى تۇرعىن ۇيلەردىڭ استىندا گاز جارىلۋ، ءورت شىعۋ ءقاۋپى بار»، - دەدى ن.قاجين.
سپيكەر تۇتىنۋشىلاردىڭ گاز جابدىعىن پايدالانۋ تالاپتارىن ساقتاماۋى سالدارىنان ورىن العان اپاتتاردان مىسالدار كەلتىردى.
مىسالى، اعىمداعى جىلدىڭ 5 جەلتوقسانىندا تىلەندييەۆ كوشەسى مەكەن-جايىنداعى گازداندىرىلماعان دۇكەننەن ءورت شىقتى، ءورت ءسوندىرۋ قىزمەتىنىڭ قىزمەتكەرلەرى ورتتەن سۇيىتىلعان گازى بار ەكى باللوندى شىعاردى (جوعارى تەمپەراتۋرا سالدارىنان گاز-اۋا قوسپاسى جارىلدى).
سونىمەن قاتار، كوممۋنالدىق ينفراقۇرىلىمدى دامىتۋ باسقارماسىنىڭ وكىلى پارك رەسۋرسى جاڭارتىلماعاندىقتان، باللونداردى پايدالانۋ ءقاۋپى جىل سايىن ارتىپ وتىرعانىن ايتتى. الماتى قالاسىنداعى پايدالانىلىپ جۇرگەن باللونداردىڭ قىزمەت ەتۋ مەرزىمى ورتا ەسەپپەن 30 جىلدان استى.
«سۇيىتىلعان گاز نارىعىندا بولشەك ساۋدانى گاز جەلىلەرىنىڭ ۇيىمدارى مەن گاز تولتىرۋ ستانسيالارىنىڭ يەلەرى جۇزەگە اسىرۋى كەرەك، ولار تۇرمىستىق باللونداردىڭ جاقسى تەحنيكالىق جاعدايىن، ولاردىڭ اپاتتىق جانە جوسپارلى قىزمەت كورسەتۋىن قامتاماسىز ەتۋى ءتيىس»، - دەپ جالعاستىردى ن.قاجين.
سونداي-اق ول الماتىدا گازداندىرىلماعان جەكەشەلەندىرىلگەن جاتاقحانالار بار ەكەنىن، ولاردا تاماق دايىنداۋ ءۇشىن تۇرمىستىق گاز باللوندارىن پايدالانۋ ءقاۋپى بار ەكەنىن ايتتى. جاڭا تالاپتارعا سايكەس، بۇل جاتاقحانالاردى كوگىلدىر وتىنمەن گازداندىرۋ مۇمكىن ەمەس (تەحنيكالىق جاعدايلار مۇمكىندىك بەرمەيدى).
«تۇرعىنداردىڭ نازارىنا قازاقستان رەسپۋبليكاسىنىڭ «گاز جانە گازبەن جابدىقتاۋ تۋرالى» زاڭىنا سايكەس، سۇيىتىلعان مۇناي گازىن تۇرمىستىق باللونداردا ەكى قاباتتان ارتىق كوپ پاتەرلى تۇرعىن ۇيلەردە ساقتاۋعا جانە پايدالانۋعا تىيىم سالىنعانىن ايتقىم كەلەدى»، - دەپ ەسكە سالدى وكق سپيكەرى.
سونداي-اق، قازاقستان رەسپۋبليكاسى ىشكى ىستەر مينيسترلىگىنىڭ بۇيرىعىمەن بەكىتىلگەن گازبەن جابدىقتاۋ جۇيەسى وبەكتىلەرىنىڭ قاۋىپسىزدىك تالاپتارىنا سايكەس سۇيىتىلعان مۇناي گازى باللوندارىن ورناتۋعا رۇقسات ەتىلمەيدى:
1) تۇرعىن ۇيلەر مەن كوريدورلاردا؛
2) استىڭعى قاباتتاردا جانە جەرتولەلەردە جانە شاتىرلاردا؛
3) استىندا جانە ۇستىندە ورنالاسقان ءۇي-جايلاردا: تاماقتاندىرۋ كاسىپورىندارىنىڭ اسحانا جانە ساۋدا زالدارى؛ وقۋ اۋديتوريالارى مەن كابينەتتەرى؛ عيماراتتاردىڭ كورەرمەنى بار اكت زالدارى؛ اۋرۋحانا پالاتالارى؛ وسىعان ۇقساس باسقا ءۇي-جايلار؛
4) تابيعي جارىعى جوق ءۇي-جايلاردا؛
5) اپاتتىق شىعۋ جولدارىندا؛
6) عيماراتتاردىڭ باستى قاسبەتى جاعىنان؛
7) 2 قاباتتان اساتىن كوپپاتەرلى ۇيلەردە.
قورىتىندىلاي كەلە، ن.قاجين تۇرمىستىق جانە كوممۋنالدى-تۇرمىستىق تۇتىنۋشىلار وزدەرىنىڭ گاز تۇتىنۋ جۇيەلەرىنە تەحنيكالىق قىزمەت كورسەتۋ ءۇشىن تاۋارلىق نەمەسە سۇيىتىلعان مۇناي گازىن جەتكىزەتىن گاز تاراتۋشى نەمەسە گاز جەلىسى ۇيىمىمەن نەمەسە گازدى قامتاماسىز ەتەتىن تاۋەلسىز مامانداندىرىلعان ۇيىممەن جۇمىستاردى ورىنداۋ قۇقىعىنا قازاقستان رەسپۋبليكاسىنىڭ ونەركاسىپتىك قاۋىپسىزدىك سالاسىنداعى زاڭناماسىنا سايكەس سەرتيفيكاتتالعان گاز تۇتىنۋ جۇيەلەرىنە تەحنيكالىق قىزمەت كورسەتۋ بويىنشا قىزمەتتەر شارت جاساسۋعا مىندەتتى ەكەنىن حابارلادى.