بيىلعى كورسەتكىشتەر 5،8%-عا وسكەن.
وسى جىلدىڭ توعىز ايىنىڭ قورىتىندىسى بويىنشا قازاقستاندا جۇمىس ىستەپ جاتقان ماكارون ونىمدەرىن شىعاراتىن 40 كاسىپورىن 122،8 مىڭ توننا ءونىم ءوندىردى، دەپ حابارلايدى Almaty-akshamy.kz
«وتكەن جىلدىڭ ۇقساس كەزەڭىمەن سالىستىرعاندا بيىلعى كورسەتكىشتەر 5،8%-عا وسكەن. بۇل رەتتە قازاقستاندىقتار جىل سايىن ورتا ەسەپپەن 130 مىڭ تونناعا جۋىق ماكارون تۇتىنادى»، - دەلىنگەن اشم حابارلاماسىندا.
ايتا كەتسەك، شەتەلگە 47،1 مىڭ توننا ماكارون ءونىمى ەكسپورتتالدى، بۇل كولەم 2021 جىلدىڭ ۇقساس كەزەڭىنىڭ دەڭگەيىندە قالدى. قازاقستاندىق ماكاروننىڭ نەگىزگى تۇتىنۋشىلارى - رەسەي، وزبەكستان جانە تاجىكستان.
«ماكارون ونىمدەرىنىڭ از كولەمى قازاقستانعا يمپورتتالا باستادى. قاڭتاردان قىركۇيەككە دەيىنگى كەزەڭدە ەلگە تەك 23،4 مىڭ توننا شەتەلدىك ءونىم اكەلىندى، بۇل كورسەتكىش 8،2%-عا تومەندەدى. سالىستىرۋ ءۇشىن ايتا كەتەيىك، 2021 جىلدىڭ وسى كەزەڭىندە 25،5 مىڭ توننا يمپورتتالعان ەدى»، - دەلىنگەن ۆەدومستۆو اقپاراتىندا.