الماتى قالاسىنىڭ مەملەكەتتىك اكتيۆتەر باسقارماسىنىڭ باسشىسى ابزال ەگەمبەردييەۆ وكق بريفينگىندە سەنىمگەرلىك باسقارماسىنا بەرىلگەن نىساندار تۋرالى ايتتى، - دەپ حابارلايدى almaty-akshamy.kz
مەملەكەتتىك مۇلىكتى سەنىمگەرلىك باسقارۋعا بەرۋ قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 16 قاڭتارداعى № 17 بۇيرىعىمەن بەكىتىلگەن مەملەكەتتىك مۇلىكتى سەنىمگەرلىك باسقارۋعا بەرۋ ەرەجەلەرىنە جانە مەملەكەتتىك مۇلىكتى سەنىمگەرلىكپەن باسقارۋ تۋرالى ۇلگى شارتقا سايكەس جۇزەگە اسىرىلادى (بۇدان ءارى – ەرەجە).
نىساندى سەنىمگەرلىك باسقارۋعا بەرۋ ءۇشىن ۋاكىلەتتى مەملەكەتتىك ورگان وسى ماسەلەنى بۇل سۇراققا قاتىستى جەتەكشىلىك ەتەتىن الماتى قالاسى اكىمىنىڭ ورىنباسارىنىڭ توراعالىعىمەن الماتى قالاسىنىڭ كوممۋنالدىق مەنشىگىندەگى زاڭدى تۇلعالاردى جانە جىلجىمايتىن مۇلىك نىساندارىن وڭتايلاندىرۋ جونىندەگى كوميسسيانىڭ قاراۋىنا ەنگىزۋى قاجەت.
نىساندى سەنىمگەرلىك باسقارۋعا بەرۋ e-qazyna.kz رەەسترىنىڭ ۆەب-پورتالىندا تەندەر وتكىزۋ جولىمەن جۇزەگە اسىرىلادى، وندا تەندەردى مەملەكەت ءۇشىن ەڭ جاقسى دەگەن ۇسىنىستار جاساعان قاتىسۋشى ۇتادى.
بيىلعى جىلى باسقارۋعا بەرىلگەندەر:
- 5 جىل مەرزىمگە دەيىن ساتىپ الۋ قۇقىعىنسىز 20 سانيتارلىق-گيگيەنالىق توراپ؛
- 5 جىل مەرزىمگە دەيىن ساتىپ الۋ قۇقىعىنسىز اۋعان سوعىسىنا قاتىسقان ارداگەرلەر مەن مۇگەدەكتەردى قولداۋ بويىنشا ورتالىق اشۋ ءۇشىن اۋەزوۆ اۋدانى، 5 ىقشام اۋدانى، 58 ا مەكەن جايىندا ورنالاسقان عيمارات؛
- 5 جىل مەرزىمگە دەيىن ساتىپ الۋ قۇقىعىنسىز الاتاۋ اۋدانى، سولتۇستىك اينالىم، 58/3 مەكەن جايى بويىنشا ورنالاسقان اقىل-كەمىستىگى بار ادامدارعا قولداۋ كورسەتۋگە ارنالعان «ترەنينگ-كافە» اشۋعا ارنالعان عيمارات؛
- جەتىسۋ اۋدانىنىڭ «باقىتتى وتباسى» ورتالىعىن اشۋ ءۇشىن جەتىسۋ اۋدانى، جانسۇگىروۆ كوشەسى، 65/34 ءۇي، لومونوسوۆ كوشەسىنىڭ بۇرىشى مەكەن جايىندا ورنالاسقان عيمارات؛
- المالى اۋدانىنىڭ «باقىتتى وتباسى» ورتالىعىن اشۋ ءۇشىن ناۋرىزباي باتىر كوشەسى، 106ا مەكەن جايىندا ورنالاسقان عيمارات.