پرەمەر-مينيستردىڭ ورىنباسارى سەرىك جۇمانعارين ەكىباستۇز قالاسىنىڭ احۋالى جونىندە وقيعا ورنىنان بەينەكونفەرەنسيا وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەو-عا كەلەتىن سۋدىڭ قىسىمى تومەندەپ، شىعىنى كوبەيىپ كەتتى. سول سەبەپتى، جەو يەلەرى مەن اكىمشىلىك شەشىم قابىلداپ، 149 كوپ قاباتتى ءۇيدى، 114 جەكە ءۇي مەن 15 الەۋمەتتىك عيماراتتى جىلۋمەن جابدىقتاۋدان ۋاقىتشا اجىراتتى. بۇل نەمەن بايلانىستى؟ ءبىز ەكى تاۋلىك بويى سۋ كەتكەن جەردى ىزدەدىك. ونىڭ ءبىر ەرەكشەلىگى بار، سۋ جەردىڭ استىنان سىرتقا شىقپايدى. كەشە عانا سۋ كەتىپ جاتقان ەڭ ۇلكەن جەر تابىلدى. قازىرگى ۋاقىتتا بارلىق جۇمىس سول جەردە ءجۇرىپ جاتىر، ول ءۇشىن 39 بريگادا، ونىڭ ىشىندە 214 ادام باسقا قالالاردان دا جينالدى. بۇگىن تۇسكى ۋاقىتتا ءماشھۇر ءجۇسىپ كوشەسىندەگى 17 كوپ قاباتتى تۇرعىن ءۇي مەن Amanat پارتياسىنىڭ عيماراتىنا جىلۋ قوسىلادى. كەشكە دەيىن بارلىق كوپ قاباتتى ۇيلەرگە جىلۋ بەرىلەدى»، - دەدى سەرىك جۇمانعارين.