ەلدە ىندەتتىڭ ورشۋىنە بايلانىستى قوسىمشا شەكتەۋلەر ەنگىزىلدى
ق ر دەنساۋلىق ساقتاۋ ءمينيسترى اجار عينيات ەلدە كوروناۆيرۋسقا قاتىستى ەپيداحۋالدىڭ ناشارلاۋىنا بايلانىستى لوكداۋن ەنگىزۋ ماسەلەسى تۋرالى ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىندە ەل اۋقىمىندا لوكداۋن ەنگىزۋ جوسپارلانىپ وتىرعان جوق، قاراستىرىلىپ تا جاتقان جوق. ءبىز قولدانىپ وتىرعان بارلىق شەكتەۋ شارالارى دەنساۋلىق ساقتاۋ جۇيەسىنە جۇكتەمەنى ازايتۋعا، كوروناۆيرۋس ينفەكسياسىنان بولاتىن ءولىم-جىتىمدى ازايتۋعا، شۇعىل كومەكتىڭ بارلىق حالىققا قولجەتىمدى بولۋىنا باعىتتالعان»، - دەپ جاۋاپ بەردى اجار عينيات ورتالىق كوممۋنيكاسيالار قىزمەتىندە.
مينيستر الداعى ۋاقىتتا شەكتەۋ شارالارى ءار وڭىردەگى ەپيدەميولوگيالىق جاعدايعا بايلانىستى ءتۇرلى دەڭگەيدە قولدانىلاتىنىن ايتتى.
«وسى جىلدار ىشىندە ءبىز بولجام جاساۋدى جانە شەكتەۋ شارالارىن جوسپارلاۋدى ۇيرەندىك»، - دەدى دەنساۋلىق ساقتاۋ ءمينيسترى.
ايتا كەتەيىك، قازاقستاندا كوروناۆيرۋستىڭ ورشۋىنە بايلانىستى قوسىمشا شەكتەۋ شارالارى ەنگىزىلدى.