اۋا رايىنىڭ بۇزىلۋىنا بايلانىستى ەلدىڭ ءبىراز وڭىرىندە ەسكەرتۋ جاريالاندى

9 وڭىردە ەسكەرتۋ جاريالاندى

«قازگيدرومەت» رمك 19 قاڭتار كۇنى اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

كۇندىز الماتى وبلىسىنىڭ تاۋلى اۋدانداردا قاتتى جاۋىن-شاشىن (جاڭبىر، قار) كۇتىلەدى. كەي ۋاقىتتا وڭتۇستىگىندە جانە شىعىسىندا تۇمان، كوكتايعاق بولادى. سولتۇستىك-شىعىستان جەل سوعادى، شىعىسىندا ەكپىنى 15-20 م/س جەتەدى.

اقتوبە وبلىسىنىڭ ورتالىعىندا جانە شىعىسىندا تۇمان بولجانادى. 19 قاڭتار كۇنى تاڭەرتەڭ جانە كۇندىز تۇركىستان وبلىسىنىڭ باتىسىندا، تاۋلى، تاۋ بوكتەرلى اۋداندارىندا، 20 قاڭتاردا تۇندە تاۋلى اۋماقتا قاتتى جاۋىن-شاشىن (جاڭبىر، قار) بولادى. سونداي-اق تۇمان، كوكتايعاق كۇتىلەدى. وڭتۇستىك-باتىستان جەل سوعادى، وبلىستىڭ وڭتۇستىگىندە، باتىسىندا، تاۋلى جانە تاۋ بوكتەرلى اۋدانداردا كۇشى تاڭەرتەڭ جانە كۇندىز 23-28 م/س ارتادى.

شىمكەنت قالاسىندا تاڭەرتەڭ جانە كۇندىز قاتتى جاۋىن-شاشىن (جاڭبىر، قار) جاۋادى. كەي ۋاقىتتا تۇمان كۇتىلەدى. وڭتۇستىك-باتىستان جەل سوعادى، تاڭەرتەڭ جانە كۇندىز ەكپىنى 23 م/س جەتۋى ىقتيمال. اقمولا وبلىسىنىڭ وڭتۇستىك جارتىسىندا تۇمان كۇتىلەدى.

باتىس قازاقستان وبلىسىنىڭ باتىسىندا، سولتۇستىك-باتىسىندا كوكتايعاق بولادى. جەلدىڭ جىلدامدىعى - 15-20 م/س. وبلىستىڭ سولتۇستىگىندە تۇمان كۇتىلەدى.

قىزىلوردا وبلىسىنىڭ سولتۇستىگىندە جانە ورتالىعىندا تۇمان ساقتالادى، كۇندىز وبلىستىڭ وڭتۇستىك جارتىسىندا كوكتايعاق كۇتىلەدى. جەل سولتۇستىك-شىعىستان سوعادى، تۇندە وبلىستىڭ وڭتۇستىك جارتىسىندا كۇشى 15-20 م/س جەتەدى.

قاراعاندى وبلىسىنىڭ سولتۇستىك-باتىسىندا، وڭتۇستىگىندە تۇمان بولجانادى.

پاۆلودار وبلىسىنىڭ وڭتۇستىگىندە، باتىسىندا، شىعىسىندا تۇمان كۇتىلەدى.