قازاقستاندا كۆي جۇقتىرعاندارعا كارانتين كەزەڭى قىسقارتىلدى

14 كۇننەن 10 كۇنگە دەيىن.

COVID-19 جۇقتىرعان ناۋقاستار مەن ونىمەن بايلانىستا بولعاندار ءۇشىن كارانتين كەزەڭى 14 كۇننەن 10 كۇنگە دەيىن قىسقارتىلدى. بۇل تۋرالى الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنەن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

COVID-19-عا پتر-تەستىلەۋدىڭ وڭ ناتيجەسى بار تىركەلگەن ادامداردا، «قىزىل» مارتەبە COVID-19-عا پتر-تەستىلەۋدىڭ وڭ ناتيجەسى الىنعان ساتتەن باستاپ 10 كۇن وتكەنگە دەيىن ساقتالادى دەپ ەسكە سالادى. 

«قىزىل» مارتەبە قويىلعان ادامداردا بۇل ستاتۋس COVID-19-عا پتر-تەستىلەۋدىڭ وڭ ناتيجەسى الىنعان ساتتەن باستاپ 10 كۇن وتكەنگە دەيىن ساقتالادى. 10 كۇن وتكەننەن كەيىن بۇل ادامدار وسى ۋاقىت كەزەڭىندە COVID-19-عا پتر-تەستىلەۋدىڭ وڭ ناتيجەسىن الۋىنا قاراماستان، سوڭعى 3 اي بويى ساقتالاتىن «جاسىل» مارتەبەگە اۋىستىرىلادى»،- دەپ حابارلادى دەپارتامەنتتەن.

كوروناۆيرۋسقا تەرىس پتر-تەستىلەۋ ناتيجەلەرى بار (COVID-19-عا پتر-تەستىلەۋدىڭ وڭ ناتيجەسىن العان ساتتەن باستاپ 7 كۇننەن ەرتە ەمەس وتكىزىلگەن) ينفەكسيا جۇقتىرعان ادامداردا «قىزىل» مارتەبە وڭ ناتيجە العان ساتتەن باستاپ 7 كۇن وتكەنگە دەيىن ساقتالادى. مارتەبە بەلگىلەنگەن مەرزىمنەن كەيىن اۆتوماتتى تۇردە وزگەرەدى، قوسىمشا ءوتىنىش ەشقايدا بەرۋ قاجەت ەمەس.