الماتى قالاسى جاستار ساياساتىن دامىتۋ مەملەكەتتىك قورى، قالالىق ءپد-نىڭ ەسىرتكى قىلمىسىنا قارسى ءىس-قيمىل باسقارماسىمەن بىرلەسىپ، قالالىق «Narkostop» ەسىرتكىگە قارسى اكسياسىن باستادى، دەپ حابارلايدى almaty-akshamy.kz
«Narkostop» حالىقتىڭ ەسىرتكىگە قارسى يممۋنيتەتىن قالىپتاستىرۋعا جانە ناشاقورلىقتىڭ الدىن الۋعا باعىتتالعان جالپىقالالىق ءىس-شارا.
اكسيانىڭ ماقساتى – ناشاقورلىققا قارسى، قوعامعا كەڭەس بەرۋ فورماتىندا الەۋمەتتىك ءىس-شارالار وتكىزۋ، ەسىرتكى تاراتۋ تۋرالى جارنامالىق جازۋلاردان عيمارات قابىرعالارىن تازارتىپ، جاسوسپىرىمدەر مەن جاستاردى قوعامدىق بەلسەندىلىككە تارتۋ. اكسيا اياسىندا تۇرعىن ۇيلەر، گاراجدار، كەڭسە عيماراتتار قابىرعالارىنداعى ەسىرتكى تاراتۋدى ناسيحاتتايتىن جانە ءتۇرلى سايتتار جازىلعان ترافارەت پەن گراففيتتەر سىرلانىپ جويىلدى.
سونداي-اق، تۇرعىندارعا ەسىرتكى قىلمىستارى، اعزاعا زياندىلىعى تۋرالى جانە سالاۋاتتى ءومىر سالتىن ناسيحاتتايتىن اقپاراتتىق پاراقشالار تاراتىپ، تۇسىندىرمە جۇمىستارى جۇرگىزىلدى.
اكسيا الماتى قالاسىنىڭ بارلىق 8 اۋدانىندا كەڭ كولەمىندە ءوتىپ جاتىر.